پڵاتفۆرموو هۆرام-ی بە بۆنەو گیان جە دەستداو ١٩ هام وەڵاتیا خۆڵکوو دەگاو پیرسەفای سەر بە شاروو مەریوانی ، پەرسەنامێوە ئاراستەو کەس و کاروو گیان جە دەس دریاو قۆربانیەکا کەرۆ .
خۆڵکوو وەشەویس و هەرێموو هۆرامانی و بە تایبەت کەس و کارو گیان جە دەس دریاکا ڤیەرەکو پاڵنگانی . هەر پاسە کە ئاگادارێندێ بە بۆنەو ڤیەرێوە ناوەش ١٩ هام وەڵاتییە وەڵاتەکەیما جە ڕۆ ١١ شەهریوەروو ١٤٠٠ هەتاوی بە بۆنەو خرابی ڕاو جادەیۆ گیانشا جە دەسدا . ئینە یۆهەم جار و ئاخر جاریچ نمەبۆ کە خۆڵکوو وەڵاتەکەیما بە بۆنەو خرابی ئاژەو جادەو و ڕاکا ئاما لوای گیانشا جە دەس مدا . ڕاسا کە ئینزانەکێ بە بێ کەموو کۆڕی نیەنێ ، بەلام ئانە کە فرەتەر یەخێ دەسەڵاتی و کاربەدەسا دەۆڵەتی گێرۆوە نەبیەو خزمەتگۆزاری بە یاگێ و ستاندار بە پێوانەکا ڕۆیا .
پۆچی گیان جەدەسداو ئی ئازئییزا وەلێ هەر چێوێنە جە نەبیەو جادەو و ڕای ستاندارد جە هەرێمە کوردیەکانە وینمێ . پسۆ پلاڵتفۆرموو هۆرام-ی هام خەمی وێما نیشانە مدیمێ و خەموو و ناوەشی کەس و کاروو گیاندەس دریاکا بە خەموو وێما زانمێ . هەر پاسە هیواو ڵەش ساقی و بێوەیی پەێ زامدارا ڤیەرەکەی وازمێ . داواما ئانێنە کە خۆڵکوو هەرێموو هۆرامانی بە تایبەت مەریوانی کەس و کاروو گیان دەسدریاکا و خۆڵکوو دەگاو پیرسەفای چی وەختە ناوەشەنە تەنیا نازاو و بە بەشداری پەنەوازە هام دەردی و هام سۆزی وێشا بارا یاگێ .
:
ڕاوەبەری پڵاتفۆرموو هۆرام-ی
١٢-٦-١٤٠٠ هەتاوی
