ڕێکوزیێ مەدەنیەکێ مەریوان-ی: بییەی ئینسانی بە زوانی ئەڎایشەوە بەسیان و وەرتەسکەردەی پەی زوانی نامان و پەی ترۆقی زوانی کوردی بە گردو بەشەکاشەوە ویر و هەنگامەی زانستیانە و پڕۆفشناڵەش گەرەکەنە.
تەمامی بەیاننامەکەو شوراو ڕێکوزیا مەدەنییەکاو شارو مەریوانی بونەو (ڕۆو جیهانی زوانی ئەدٚایی)ـەوە:
زوان چەترێ نیەنە کە چێرشەنە کۆ بیمێوە، یام پلورەوارانێ نیەنە کە ڕەنگە
حەزاویەکاو وێما دلێشەنە بێزمێوە. زوان باڵدار نیا کە فڕایما پەی بارۆ بە
دیاری، یام هەورێوی واراناوی کە هێمنی و ئاسایش مجۆ ملمارە. زوان چینیشا
گەورەتەر و داراتەرا کە ئێمە گەرەکما بۆ ورد و سووک ئاسان چی چێوە گولانانە
ڕێزە شۆرەش پەی کەرمێ، زوان بیەی و کێبەیین و بیەیچ بە زوانەوە بەسیان.
وەرەی تەسکە پەی زوانی نامێنە و ئەشناسەو زوانی بە وەرچەم تەنگی، خەسار و
زیانی گەورەن، نەتەوەو کوردی پەنەوازا قووڵ و کریاوە تەماشەو هێڵەو
زوانەکوردیەکا کەرۆ، پەی ترۆقی زوانی کوردی بە گردوو بەشەکاشەوە ویر و
هەنگامەی زانستیانە و پڕۆفشناڵە هۆر گێرۆ. ئەرک و ڕوڵوو زانکۆ و مەکۆ
ئەدەبی و فەرهەنگیەکا چی وینگاوە تایبەت و وەرچەمتەرا و ژیرانە و
ئاوەزمەندانە جووڵەشا فورسەتەین پەی گەشەو زوانی و پەرەدایش جە کۆمەڵگای
جەهانینە.
بە بونەو ڕۆ جەهانی زوانی ئەدٚایی، دەسوەشی جە گردوو ئا مامۆسایا و مەکۆیا
کەرمێ کە پەی گەشەو زوانی ئەدٚایی بیبینوو هێمەتیشا لکە دان و هیچ کۆسپ و
تگەرێ وەربەسشا نیا و ڕوو بە وەڵێ مل منیا.
چەنی ئینەی نامێ مامۆسا هەژاری بەرز تەماشە کەرمێ، مەبارەک بادٚی ڕۆ جەهانی
زوانی ئەدٚایی فرە تایبەت چا نەتەوەو گەلا کەرمێ کە زوانشا دلێ کتێبەکاو
وانگاینە سەرەش بەر ناوەردٚەن، بەڵام پێسە گەوهەروو ڕۆحیشا پارێزگاری چا
سەرمایەو بەشەریە کەرا، جە ئەو پەڕوو ئێژای و گەشەداینە ئەشناسەش کەرا، بە
ئەرک و ڕەسالەتوو وێشا زاناش مل بەرزانە بشناساش بە نەوەو دماو وێشا.
پەنەوازا دەسەڵاتە فرە زوانیەکا چینەی زیاتەر جە ویروو خەسناو زوانەکا
تەرینە نەبا و بە پێچەوانەوە، ئەرکوو ئێنسانی بە نێسبەتوو زوانەکاتەری
مامەڵە کەرا، فەزاو وانای و نویستەی جە وانگانە بارا وەرەوە، زیان و خەسار
نەیاونا لاو ئی سەرمایە مەعنەوی و ڕۆحی بەشەریە، ڕا وەشکەرێ با پەی مافە
سەرەتایەکاو بەشەریەتی.
ئێمە پێسەو ڕێکوزیایەکاو شاروو مەریوانی باوەڕمەندێنمێ کە گردوو نەتەوەکا و
میللەتەکا مافوو زەوت کریایی زوانیشا پەی گێڵۆوە و زاڕۆڵەکاشا بە زوانی
ئەدٚاییشا وانا، چوون دەورانوو ئاتاتورک و پالەوی بە سەر ئامان و پەنەوازا
بە وەرچەم گێرتەو مافوو بەشەریەوە تەماشەو سەرجەم گردٚ زوانێوە کریۆ.
1. ئەنجومەنو فەرهەنگی ئەدەبی مەریوانی
2.ئەنجومەنو فەرهەنگی. ئەدەبی ڕۆجیاری
3.ناوەندو فەرهەنگی، هونەرو ڤەژینی
4.ناوەندو فەرهەنگی. زانستو ڕۆنانی
5.ئەنجومەنو سەوزو چیای
6.ئەنجومەنو وەرگیری جە ماددە سڕکەرکان (ژیانەوە)
7.ئەنجومەنو نمایشو مەریوانی
