پلاتفۆرمو هۆرام-ی: هەر گەلێ پەی ئازادی کۆشیۆ، مشیۆم بەهاو ئازادی وێش بدۆنە، جە ئا چوارچوەنە شەهید فەرزاد و هاۋەڵەکێش بیۍٚ بە چراوەو ڕاو ئازادی.
بەیاننامەو پلاتفۆرموو هۆرام-ی بە بۆنەو ١٢ مین ساڵڕۊ شەهید بیەو
ماموستا فەرزاد کەمانگەری و هاۋەڵەکاش بەیاننامێوەش وەڵاو کەردەنەوە و
ئاماژەش بە ئانەی دان: هەر گەلێ پەی ئازادی کۆشیۆ، مشیۆم بەهاو ئازادی وێش
بدۆنە، جە ئا چوارچوەنە شەهید فەرزاد و ڕەفێقەکێش بیۍٚ بە چراوەو ڕاو
ئازادی.
هۆرام، شەهید بیەو ماموستا فەرزاد کەمانگەر و ڕەفێقەکاش (شیرین عەلەم هولی ،
عەلی حەیدەریان و فەرهاد وەکیلی) بە یۆتەر جە ئا تراژدیا بەنامێ مکەرۆنە
ئاشکراش کەردەن: گەلوو کوردی و ئازادیوازۍٚ جە ویرش نمەکەرا .
هۆام، شێوەو شەهید بیەو کەمانگەیی هاۋەڵەکاش جە زیندانو ئەوینو تاران-ینە،
بە ماڕاو تابووتو پەر جە تەرس و تۆقنای و دمایی ئاردەی بە فەرهەنگ و تەسلیم
بیەو زیندانی، بەنامۍٚ کەردەن.
بەیاننامەکەو پلاتۆرمو هۆرام-ی:
هەر گەلی پەێ ئازادی کۆشیۆ ، مشۆم بەهاو ئازادی وێش دۆنە . گەلوو کوردی یۆ چا گەلانە کە جە سەد ساڵی ویەردە تا ئاڕۆ بە هەزاران شەهیدێش پەێ یاوای بە ژیوایە ئازاد بەخشێنێ . بەلام فرە جارێ شەهید بیەو کەسانێ و شێوە شەهید کەردەکەیشا بۆ بە هێماو ڵێرە گێرتەی و مدرامانی جە وەرانوەروو نەیارا ئازادی و داگیرکاراوە . شەهید بیەو کەسانێ پسۆ کاک فۆئاد مۆستەفا سۆڵتانی ، قازی مەحەمەد ، سمکۆی شکاک ، لەیلا قاسم ، شێخ سەعید ، شەهید بریتان ، زیڵان ، ڤیان و ئارین میرکان و فرەو شەهیدەکا تەری جە دماو شەهید بیەیشا وانێوە تازە فێروو ئازادیوازا وەڵاتی مکەرانۍٚ .
جە ١٩ پاژەرەژوو ١٣٨٩ وەرەتاوی – ٩ مەی ٢٠١٠، شەهید بیەو ماموستا فەرزاد کەمانگەر و ڕەفێقەکاش (شیرین عەلەم هولی ، عەلی حەیدەریان و فەرهاد وەکیلی) یۆتەر جە ئا تراژدیانە کە گەلوو کوردی و ئازادیوازۍٚ جە ویرش نمەکەرا . شێوەو شەهید بیەو ئا هەڤاڵا جە زیندانو ئەوینو تاران-ینە، ماڕاو تابووتێ پەر جە تەرس و تۆقنای و هامزەمان دمایی ئاردەی بە فەرهەنگ و تەسلیم بیەو زیندانی بێ . مدرامان و هەڤاڵا جە وەرانوەروو داواکاریە نائینسانیەکا ڕژیموو جمهوری ئیسلامی ئاخێزێ گەورە بێ کە دلێ زیندانینە کە دوژمن گردوو هیواکاش پەنە بەستەبێوە .
پلاتفۆرموو هۆرام-ی سەڕەڕاو شەرمەزار کەردەو سیاسەتو قەنارەدای، ئەشکەنجە و دەسدرێژی دەسەڵاتدار جمهوری ئیسڵامی ئیرانی جە وەرانوەروو زیندانیە سیاسیەکان، ١٢ مین ساڵەو شەهید بیەو مامۆسا فەرزادی و ڕەفێقەکاش بە بەرزی یاد مکەرۆوە . هەر پاسە شەهید بیەو ئا هەڤاڵا بە چراوەو ڕاو کۆشای پەی یاوای بە ئازادی موینۆ . جە ڕۊێ پێسەو ١٩ پاژەرەژی کە بە ڕۊ ماموسای نامێ نریان ، داواما ئانێنە کە ماموسایا و وانیەرا وەڵاتی بە یاد کەردەیۆ یادوو ئا هەڤاڵا ئامانجەکاو ماموسا فەرزادی و ڕەفێقەکاش هیچ وەخت جە ویر نەکەرانۍٚ.
دەسەو ڕاوبەریی پلاتفۆرموو هۆرام-ی
