رێکوزیاکا پژاکی جە ئەرووپا جە بەینوو ڕوەکا ١٣ پەێ ١٥ چیڵکری ( جۆزەردان ) یوەمین کۆنیشتو رێکوستاکا وێش جە وەڵات و سۆئێدی ڕێکوست .
کۆنیشتوو پژاکی بە بەشداری نزیکەو نەوەد ژەن و پیا و جوانا بە درێژەو یەرێ ڕواوە لوا ڕاوە . جە کۆنیشتەکەنە باس و گۆفتمان سەروو ئاژەو ئاڕۆ وەرکەوت و کوردستانی ، ئیران و وەرکەوت و دڵێراسەی ، هەر پاسە شێکەردەیۆ خەبات و پژاکی جە ئەرووپانە و ڕا چارەکا پەێ سەرکەوتەی زیاتەری وزیە وەروو باسی .
پژاک ئاژەو ئارۆ ئێرانی کە بیەن بە هۆ بێکاری ، گرانی ، هەژاری و زینان و ئەشکەنجەو نەیارا دەۆڵەتیش پەێ بێ بەرنامەیی و لاوازی دەسەڵاتدارا جمهووری ئیسڵامی گێڵناوە . هەر پاسە دەس نیشانش کەرد کە بەرز بیەیۆ داواکاریەکا خەلکوو ئێرانی و گەلا وەرکەوت و دڵێراسی سەرەراو ئانەی کە دەرفەتا ، گەر هوشیاری نەبیمێ جارێ تەر بیمێ بە قوربانی سیاسەت و زڵهێزا جیهانی . پژاک یاوناش کە پەێ ئامادە بیەی جە وەرانوەروو هەر ئەگەڕێنە بڕیاروو بەستەو کۆنیشتوو وێش پەێ خەبات و ئەرووپای دان . چوون فرە جارێ وینانما کە تا ئاژێوە ڕوەش نەدەینە ، هەنگامێ نەنڕیەنە . بەلام پژاک بە ڕێکوستەو ئی کۆنیشتەیە سەرەڕاو شیکەردەیۆ ئاژەو ئارۆ جیهانی و کوردستانی و دیاری کەردەو خاڵە لاوازەکا و بەهێزەکا وێش پەێ هەر ئاڵوو گۆڕێ ئامادە کەردەن .
یاگێ باسینە کە کۆنیشتەکە بە درۆشمەو ( بە ڕێکوستەو وێما نەتەوەو دیموکراتیکی ڕیکوزمێ ، ڕابەر ئۆجەڵانی ئازاد کەرمێ و کوردستانی ڕزگار کەرمێ ) دمائیش ئاما . یاگی وێشەنە کە جە کۆنیشتەکەنە نویستەکێ بە هەر چوار زوانەکا کوردی پسۆ کرمانجی ، سۆرانی ، هۆرامی و ڵەکی وەرچەم گیریەبێنی .
جە دماو یەرێ ڕوا گۆفتمان و باس دماجار قەباڵەو کۆنیشتی جە چن خاڵانا دیار کریا .
١) ئازادی ڕابەر ئاپۆی ئیرادەو ئازاد و کوردیا و کرێڵ و چارەسەری گرفتەکا بە شێوە گڵمیرانەن . سەرو ئی ئەساسەیە کۆشیای پەێ ئازادی ڕابەر ئاپۆی خەباتی سەرەکی وێما زانمێ .
٢) سەروو ئەساس و ویر و باوەری بە ئازادی ژەنا ، فەلسەفەو ئازادی ژەنا پسۆ کۆشیای دژو ویری ڕەگەزگرایی بە بنەڕەتوو خەبات و وێما زانمێ .
٣) پارێزناو فەرهەنگ و ئێخڵاقی و کۆمەڵایەتی یۆ جە خەباتە مۆهێمەکا ئێمەن و پەێش هەرمانە کەرمێ .
۴) باوەری بە پێوەرە ژیواو میللەتەکا و فراوان کەردەو فەرهەنگ و پێوەرە ژیوای بە پەسەند کەردەو جیاوازیەکا کۆمەڵگای و میللەتەکا .
۵) دیپلۆماسی کەرەسێوەن پەێ ئاشتی و نزیک بییەیۆ میللەتەکا . سەرو ئی باوەڕیەیە دیپلۆماسی میللەتەکا و پەیوەندی چەنی ڕیکوزیا مەدەنی و کۆمەڵایەتیەکا بە بنەڕەتوو دیپلۆماسی وێما زانمێ و سەروو ئا ویرەیۆ هەنگامە منیەمێ .
سەرچەمە :
