خەبەرێ

مەتەرسی سەروو ژیواو زەینەب جەلالیان بە بۆنەو تووش بیەی بە کرۆنای .

بە پاو هەواڵەکا پەڵیانەو ماف و مرۆڤ و کوردستانی زەینەب جەلالیان ، ژەنە زینانی سیاسیە وەرکەوتوو کوردستانی تووشوو نەوەشی کرۆنای بییەنە . بە بۆنەو خرابی ئاژەو سڵامەتیش هێزی جە زینانوو قەرەچەکوو وەرامینی پەی نەوەشخانەی وازیەنەوە . سەرەراو ئانەی کە تیمی پزشکی ئاژەو سڵامەتی زەینەب جەلالیانێش مەتەرسیدار زانان کە مشۆم جە یاگێوە تایبەتەنە چەمداری کریۆ ، مخابن هەر ئا ڕوە واستێنەشاوە پەی زینانی و بە پاو دما زانیارەیەکا چەنی پارێزەوانەو کوردی سۆهەیڵا حیجاب جە بەشوو قەرەنتینەینە گڵێشا دەینێوە .

یاگێ باسینە کە زەینەب جەلایان کە نزیکەو ١٣ ساڵان ئینا زینانەنە ، جە سالەو ٢٠٠٨ جە لاو هێزەکا رژیموو جمهووری ئیسلامی ئێرانی بە تاوانوو ئەندام بیەی جە پارتوو ژیواو ئازاد و کوردستانی – پژاک قۆڵبەس کریا ، جە یۆهەمین دادگانە بڕیاروو قەنارەدایش دریا کە دماتەر بە بۆنەو بەرز بییەیۆ نارەزایەتیەکا دلێ و بەروو وەڵاتی سزاکێش واریا بە زینانی هەتا هەتایی .

Z