خەبەرێ

مەریوان : محمد خۆرەند یەرەمین شەهیدی چەرمە و ڕاو سڵامەتی .

بە پاو سەر چەمێوە باوەر پەنە کریا ، یۆتەر جە کارمەندەکا نەوەشخانەو بووعەلی مەریوانی بە نامێ محمد خۆرەند خەلکوو دەگاو سەرنژماری  و ساکن و مەریوانی بە بۆنەو تووشبیەی بە نەوەشی کرۆنای ئاڕۆ یەرەشەممە گیانش جە دەسدا .محمد خۆرەند جە ماوەو یەک سالی ویەردەی سەرەراو هەرمانەکێش پسۆ ئەرکێ ئینسانی جە خزمەتوو چارەسەری نەوەشەکا توووشبیەی بە کرۆنا بیەن . بە داخەوە نامبریا رۆ یەرەشەممەی ١٠ کۆپروو ١٣٩٩ هەتاوی جە دماو چن ڕوا مڵمڵانێ چەنی نەوەشی کرۆنای ئاڕۆ گیانش بەختکرد .
یاگێ باسینە کە بە بۆنەو ئانەی کە دەوڵەت هیچ یارمەتییە خەلکی نمەدۆ . پەی دەس وستەو بژێوی روانەیشا جگە جە هەرمانکەردەی بە کەمتەرین مەعاش چارێوە تەرشا نیا. سەرو ئا ئەساسەیە شەپۆڵە تازەکێ نەوەشی کرۆنای فرەو خەلکیش تووش کەردەن . هەر پاسە وەلتەر دوێ کادرێ نەوەشخانەکا پارێزگاو کوردستانی جە سەقز محمد یار ئەحمەدی و خەڵلیڵ ئەحمەدی جە سنە جە عانوو خزمەت بە نەوەشەکا کرۆنای گیانشا بەختکەرد.

Z