وێرەگا ٢٥ جوون و ٢٠٢٠ باڵەفڕەکێ تورکیەی هجوومێ ئاسمانیشا کەرد سەروو ڕاو کونەماسی نزیک بە سڵیمانی . ئچی هجوومەنە گریڵایە پژاکی بە نامێ (رێبوار قولی زادە) گیانش بەخت بی . هەر پاسە یەرێ گریڵێ تەر زامدارێ بییە . یاگی باسینە کە چا هجوومەنە سەرەڕاو گیان جە دەستداو و زامدار بیەو گریڵاکا پژاکی دوێ هام وەڵاتییە گیانشا جە دەس داو ٢ هام وەڵاتیە تەرێ زامدارێ بییە .
جە بەیاننامەکەو پژاکینە ئامان کە ئا هجوومە جە ڵاو باڵا فرەکا تورکیەی بە هەمیاری جاسووس و سیخۆرە هەرێمیەکا رەوەش دەێنە . تورکیە و داگیرکارا کوردستانی بە گرد شێوە ئامانجشا جە بەین بەردەو دەستکەوتەکا کوردی و شناسنامەکەشا . چانەی دڵنیەنمێ کە ئی هجوومێ بە بێ هەمیاری کەس و لایانێ کوردی ئیمکانش نیاو نەبیەن . جە درێژەنە پژاک بانگەوازی جە گردوو لایانەکا باشووری کەرۆ کە پەی دما ئۆماو خەتوو خیانتی ڕا جە سیخۆری کەردەو پەرەساناو ئی کەڵتوورەیە گێرا .
پژاک سەرەراو شەرمەزار کەردەو گیان جە دەستداو گریڵا و هام وەڵاتیا ، سەرەوەسی وێش ئاراستەو خانەوادە و کەس و کاروو گردوو ئا شەهیدا بە تایبەت شەهید ڕێبوار قولی زادە ئەژناسیا بە ئاریوان شۆرشگێر کەرۆ . هەر پاسە دەس نیشان کەرۆ تا یاوای بە ئازادی یەکجاری درێژە دەروو ڕاو ئا شەهیدا بۆ .
نامێ و نامێ خانەوادەئیش : رێبوار قولی‌زادە
نامی ریکوستەی: ئاریوان شۆڕشگێر
جە ئەدا بیەو : شاروو بۆکانی
رۆ گیانبەختکەردەی : ٢٥/٦/٢٠٢٠ شارباژێر پانیشتوو کوردستانی کوردستان
