خەبەرێ

١٥ تەباخی ڕۆ بە ئەرتەش بیەو گەلوو کوردیا .

٣٦ ساڵێ چێوەڵتەر پەکەکە بڕیارشدا کە پێ پارێزناو گەلوو کوردی بە فەرمی جە وەرانوەروو داگیرکارا کوردستانی هەنگامێ بنیۆ . سەرو ئا ئەساسەیە بە یۆهەمین چاڵاکی چەکداری پەکەکە بە فرماندەیی هەڤاڵ عەگیدی جە وەرانوەروو دەۆڵەتوو فاشیستوو تورکیەی دەسش پەنە کەرد . ئا فیشەکە کە یەکەم جار تەقا ، فیشێکێ بێ کە تەوێڵەو سیستموو داگیرکاریش کەرد ئامانج . پێ یەکەم جاری کورد بڕیاروو بە ئەرتەش بیەی وێشدا.

ئاڕۆ جە دماو ٣٦ ساڵا جە سێبەرەو بڕیاروو ١٥ تەباخی گەلەکەما جە هەر چوار پارچەو کوردستانی ساحێب و هێزوو پارێزناو وێش جە هەر دوە بەشەکا پسۆ پیایا و ژەنا هەن . تەڤگەروو ئازادی کوردستانی تا بە یاڕۆ بە هەزاران شەهیدێش بەخشەێنێ ڕاو یازادی وەڵاتی . ئاڕۆ چەنی تێکنۆڵۆژی رۆی گریڵا وێش رێکوستەن و گریڵاو مۆدرنوو ئازادی جە مدرامانێ بێ وێنە چۆکێ داگیرکاراشا دەینێ زەمین .

یاگێ وێشەنە کە گرد ساڵێ ئی ڕوە بە بەرزی یاد کریۆوە و پسۆ ڕوێ پرشنگدار وینیو . هەر گەلی کە هێزوو پارێزناو وێش نەبۆ ، کەسایەتی ، بیەی و شناسنامەش گنۆ مەتەرسی فۆتیایۆ . پارێزنای گەڵی نیشانەو هەست بە وەرەپرسایەتیا ، نیشانێ ئێخڵاقی سیاسیین ، پۆچی جە دماو ٣٦ ساڵە ئیسە جە وەرکەت و کوردستانی یەرەکە و هەپەژە ، جە سەرنیشت هەپەگە و یەژاستار ، جە شەنگاڵ یەبەشە و یەبەشەو ژەنا و جە وەرنیست یا رۆژئاوانە هێزەکا یەپەگەی و یەپەژە درێژەدەروو ڕاو و خەباتو فەرماندە عەگیدێنێ . هەر پاسە ریزەکا گریڵای کە هەر هەڤاڵێ جە بەشێ کوردستانی و جە باوەریە جیاواز بەشدار بیەن نیشانێ راسی ئا هێزەینە کە پسۆ هێزی نەتەوەیی بە نامێ گریڵای ئەرکوو وێش یاگێ مارۆ .

Z