شەنگالیەکێ دژ بە ڕێککەوتەکەو (بەغدا – پەدەکە)ی وێنیشاندایشان ئەنجام دا و بە یەکدەنگ وانشان: هەر بڕیارێ دژ بە ئیرادەو ئێزیدییەکان ببۆنە قبوڵش نمەکەرمێ و هەرگیز جارێوی تەر ڕانمەڎێمێ خیانەکارێ و شەنگال ورەشەکێ بگێڵانێوە پەی هەرێمەکەی.
٩ ئی مانگۍ بەبێ بەشداری شەنگالیەکان، میانو ئێراقی و پەدەکە-یەنە، ڕێککەوتێو سەبارەت بە ڕاوەبەردەی هەرێمەکەی ئیمزا کریابێ کە بەشێوازێ جە شێوازەکان، تەسلیم کەردەی شەنگالی بێ بە حکومەتی ناوەندی ئێراقی و هاموەخت وەرچەم نەگێرتەی ئیرادەو شەنگالیەکان بێ.
دمابەدمای ئاشکراکەردەی ڕێککەوتەکەی، وێسەری دیمۆکراتی شەنگالی و ئێزیدیەکێ و فرە لایەنێ کوردیێ و ئێراقیێ و کۆما جڤاکێن کوردستانی – کەجەکە، دژبەری وێشانە دابێ وەراوەر بە ڕێککەوتەکەی و حسابنەکەردەی پەی ئیرادەو ئێزیدیەکان و دام و دەستگا فەرمییەکانشان و بە قبوڵ نەکریا و مەتەرسیدار نامێشان بەردەبێ.
جە ئی چوارچێوەنە ئارۆ یەک شەممە، دلێ شارو شەنگالیەنە سەرجەم چینە جیێ جیێکێ شەنگالی جە ئێزیدی، عەرەب، سونە و شیعەی ڕاپیمایشان ئەنجام دا و پێوەرە ڕێککەوتەکەو (بەغدا – پەدەکە)یشان شەرمەزار کەرد و ڕەتشان کەردەوە.
شەنگالیەکێ بە یەکدەنگ وانشان: “هەر بڕیارێ دژ بە ئیرادەو ئێزیدییەکان ببۆنە، قبوڵش نمەکەرمێ و هەرگیزیچ جارێوی تەر ئا کەسێ و لایەنە خیانەتکارێ کە شەنگال و ئیزدیەکێشان بە داعشی ورەتێ و مەگەساتشان ئاوردێ سەرەرە، نمەگێڵانێوە پەی شەنگالی.
شەنگالیەکێ داواشان جە لایەنە پەیوەندیدارەکان کەرد:
١- پنەوازەن جە هەر ڕێککەوتێوەنە، نمایندەیی شەنگالیەکان ئامادەیش ببۆنە.
٢- لێژنەی هامبەش جە چینە جیێ جیێکێ شەنگالی دروست بکریۆن تا سەبارەت بە ڕاوەبەردەی شەنگالی و ئەرەنیشتەکانش، بڕیار بڎۆنە.
