خەبەرێ

ژەنا شەنگاڵی :پەنەوازە نیا ئا لایانێ ئێمەشا ورەتێ ، گێلاوە شەنگاڵ .

جە درێژەو نارەزایەتیەکا خەلکوو شەنگاڵی بە بۆنەو رێککەوتەو پارتی و دەۆڵەتوو عێراقی پێ ئیدارە کەردەو شەنگاڵی ڕۆ جمعەی بە پێشەنگایەتی ژەنا شەنگاڵی ڕاپەیمائیە جە وەرانوەروو شارەوانی سنونێ لوا ڕاوە .
ڕاپەیمەیەکە جە لاو تەڤگەری ژنانی ئێزدی-
( تاژێ )و یەکێتی ژنە جوانا ئێزدی-یەوە رێکوزیابێ . سوهام دەخیل پسۆ دەم ڕاسەو ژەنا جە بەیاننامەکەو تاژێینە باسوو ئانەیشە کەرد ، جە ٣-٨-٢٠١٤ کە خەلکوو شەنگاڵی جە لاو هێزەکا داعشی هێرش کریا سەرشا ، زیاتەر جە ٧ هەزار پێشمەرگێ پارتی و بە هەزاران سەروازێ سەر بە وەزارەتوو بەرگیری عێراقی ئێمەشا جیا ئاستیمێ . بە هەزاران ژەنێ ئێزئیدیە بڕفانیە و دەسدرێژیشا کریا سەر ، بە هەزاران جوانێما بریەو و بێ سەروو شۆنەما کریە .
ئیسە جە دماو شش ساڵا جیای ئاەی خائێنکا ٣-٨-٢٠١٤ و ئا هێزێ کە ئێمەشا تەسلیمێ داعشی کەردێ دریا دادگا ، ئیسە بە بێ گێڵایۆ پێ ئیرادەو خەلکوو شەنگاڵی بە شێوە تەر گەرەکشانە ئێمە ئیرادەیما تەسلیموو دەۆڵەتوو تورکیەی کەرانە و کۆم کۆشتێوە تەر بارا سەرمارە .
پۆچی پسۆ ژەنا شەنگاڵی بە گرد لایە یاونمێ کە ئاڕۆ شەنگاڵ ساحێب و وێڕاوەبەری وێشا و هێزوو پارێزناو وێش هەن . هەر لایانێچ دذانش نەنیۆ پۆرە ، مشۆم وێش جە وەرانوەروو ئیدارەو ئێمەنە وینۆوە . ئا کەسێ کە ئێمەشا جیا ئاستێمێ و ورەتێمێشا ، یاگێ باوری ئێمە نیەنێ و مشۆم دریا دادگا . دماجار داواشا جە گرد لایە کە ئازادی ئێزئیدیاش پێ مۆهێما جە وەرانوەروو پیڵانکەکا هۆڵێری و بەغدای با بێ دەنگ نەبۆ .

Z