جە درێژەو تەنگکەردەو خەباتی مەدەنی و فشار وستەی سەروو چاڵاکا مەدەنی جە وەرکەوتوو کوردستانینە ، ڕۆ یەرەشەمەی ٢٣ ئارگای وەرانوەر بە ١٣-١-٢٠٢١ هێزەکا سەر بە ئیدارە ئیتڵاعاتوو مەریوانی دوێ چاڵاکێ مەدەنییە خەڵکوو دەگاو سڵینێ سەر بە شاروو مەریوانیش بە بێ هۆ قۆڵبەس کەردێ .
ئەکرەم ئەدوایی ٣١ ساڵ و سیامەک ئەدوایی ٢٤ ساڵ نامێ ئا دوە دوێ چاڵاکا مەدەنی و ژینگەپارێزوو هەرێموو هۆرامانینێ کە بە بێ هیچ حۆکمێ قۆڵبەس کریەنێ . یاگێ باسینە کە جە هەفتەی ویەردە نزیکەو ٢١ چاڵاکێ ، وانیەرێ و ژیوگەپارێزێ وەرکەوتوو کوردستانی جە لاو هێزە ئمنیەکا سەر بە رژیمی جە شارەکا کەرەج ، سەڵواوا ، مەریوان ، رەبەت ، مەهاباد ، کرماشان و ورمێ قۆڵبەس کریەنێ .
