بەیانیێ

کۆنگرەو گەلی : پەنەوازەن وەرانوەروو رژیموو جمهووری ئیسڵامی سەرهۆردای رێکوزیۆ . .

دەسەو ڕاوەبەری کۆنگرەو گەلی بە بۆنەو گێرتەو چاڵاکا مەدەنی ، ژەنا ، ژیوگەپارێز و فەرهەنگی وەرکەوتوو کوردستانی کە تا ئاڕۆ شمارەکەشا یاوان بە ٩٢ کەسا ، بانگەوازیەش ئاراستەو گەلەکەیما جە وەرکەوتوو کوردستانی کەردن .
جە بانگەوازیەکەو کۆنگرەو گەلی ئامان کە ماوێوەن رژیمو جمهووری ئیسڵامی ئێرانی پسۆ نەریەتێ ستمکارانەو وێش دەسشدان گێرتەیۆ و قۆڵبەس کەردەو چاڵاکا مەدەنی ، ژەنا ، ژیوگەپارێز و فەرهەنگی وەرکەوتوو کوردستانی . ئی سەرکۆتکەردەیەو گەلی و بە تایبەت شکۆدارا کۆمەڵگاو مەدەنی شەرمەزار کەرمێ و دواما ئانەن کە گەلەکەما جە وەرکەوتوو کوردستانی جە وەرانوەروو ئی فشاراوە بێ دەنگێ نەباو و دەنگوو نارازی بیەو وێشا بەرز کەراوە .
:
کۆنگرەو گەلی جە درێژەو باگەوازیەکەیش داوا سەرهۆردای گردیش کەردەن کە جە گردو شارو و شارۆچکەکا گەل مجیو سەروو جادەو کۆڵانەکا و پشتیوانی چاڵاکا مەدەنی کەرا . کۆنگرەو گەلی یاونانش کە بە گرد جۆرێ سیاسەتەکا رژیموو جمهووری ئیسڵامی شەرمەزار کەرمێ . هەر پاسە بە جمهووری ئیسڵامی ئێرانی بزانۆ کە بە گێرتەی ، ئەشکەنجەدای و قەنارەدای نمەتاوۆ دەنگوو گەلەکەیما جە وەرکەوتوو کوردستانی کە دەنگێن پێ یاوای بە  مافە ئینسانیەکا وێش کپ کەرۆ .
جە وەرکەوتی دڵێراسە هیچ دەۆڵەتێ نەتاوانش کە بە ستەم و گێرتەی و فشار دەنگو کوردا کپ کەراو ، چراوەو ئازادیشا کۆشناوە . با جمهووری ئیسڵامیچ وێشەرە بلۆوە و دەس جە دژایەتی کوردا جە ئێرانەنە ورگێرۆ و جە زووتەرین وەختەنە  زینانیە سیاسیەکا ئازاد کەرۆ . قەیرانەکا ئێرانی بەرهموو بێ عەداڵەتی ، نەبیەی دیموکراسی ، نەبیەی ئازادی و  هەر پاسە بە رەسمی نەشناساو مافوو نەتەوەکان . تا ئی سیاسەتەیچە درێژەش بۆ نارەزایەتی و سەرهۆردایچ درێژەشا هەن . دماجار داواما ئانەنە کە گەلەکەما جە وەرکەوتوو کوردستانی لایقوو ژیوایە ئازاد و دیموکراتیکیا . پەنەوازەن پێ یاوای پەێ ئی ئامانجا جە چووارچێوەو سیستموو کۆنفدرالیسمی دیموکراتیک وێش رێکوزۆ و تا یاوای بە گردوو مافەکاشا جە کۆشیای ڕوانە بەردەوامێ بۆ .

دەسەو ڕاوەبەری کۆنگرەو گەلی
٢٨-١-٢٠٢١

Z