بەیاننامەو پڵاتفۆرموو هۆرام-ی بە بۆنەو ٢٢ هۆمین ساڵەو بڕفانای ڕابەر ئۆجەڵانی .
٢٢ ساڵێ چێوەڵتەر جە ڕوە پسۆ ئاڕۆینە ڕابەروو نەتەوەیی کوردی و گەڵە چێردەسەکا جیهانی جە پیڵانێ دور جە گردو نڕخە ئینسانی و سیاسیەکا بەرێز ئۆجەڵان جە لاو دەوڵەتا ناتۆی و روسیەی بڕفانیا . ڕۆ ١٥/٢ یا شۆباتی پسۆ ڕوێ سیاو جە تاریخوو کوردا و هەر پاسە ئازادیوازا جیهانی تەماشە کریۆ .
ڕابەر ئۆجەڵان جە دماو ٢٢ ساڵا ئۆجەڵان بە مدرامان و وێش جە زینانو تاکەکەسی وێش جە زینانوو ئێمراڵینە ئا راسینشە نیشانەو دۆست و دۆژمەنی دا کە فەلسەفەکەش و پراکتیکوو پەکەکەی دما کرێڵێ چارەسەری گرفتەکا وەرکەوتوو دڵێراسەینە . پۆچی نمەتاوا وەرچەمش نەگێرا . بە پێچەوانەو گردو سەرهۆرداکا و حزبەکا کوردستانی و وەرکەوتوو دڵێراسەی جە دماو برفاناو ڕابەر ئاپۆی ، نە ئانە پەکەکە بێ هێز نەبی ، پەکەکە و فەڵسەفەو ڕابەر ئۆجەڵانی جە مەرزەکا کوردستانی و وەرکەوتوو دڵێراسەی پێ فرەو وەڵاتا و نەتەوە جیهانی وەلا بییەوە . یاگێ شانازینە کە کورد ئاڕۆ ڕابەر و جووڵانێوەش هەن کە پەرچەمداروو سۆسیالیزم ، ئازادی ، یەکسانی و ویروو ئیکۆڵۆژین و بیەن بە ناوەندێ پەێ گرد ئازادیوازێ جە جیهانەنە .
ڕابەر ئۆجەڵان سەڵمناش کە مدرامان و وێڕێکوستەی جگە جە سەرکەوتەی هیچ دەسکەوتێ تەرش نیا . پۆچی پسۆ پڵاتفۆرموو هۆرام-ی سەرەراو شەرمەزار کەردەو ئی ڕوە سیاوەیە و ئانیشا کە چی پیڵان گێڵناینە دەسشا بێ ، دواوما جە گەلەکەیما و بە تایبەت جوانان کەرمێ پەێ ئانەی ویروو دۆژمنەنا چاڵی بنیا ، با بە وانایۆ ئایدیۆڵۆژی ڕابەر ئاپۆی و وێرێکوستەیشا وێشا بنەرەتەوو ژیوایە ئازاد و دیموکراتی مجارە . باورمان ئانەن کە ئازادی کورد و کوردستانی بە سەرهۆرداو ئاخێزو ڕابەر ئۆجەڵانی دەسش پەنە کەردەنوو و بە ڕابەری ڕابەر ئاپۆیچ سەرمەگنۆ . دماجار پسۆ پڵاتفۆرموو هۆرام-ی چەنی فەلسەفەو و مدرامان و ڕابەر ئاپۆی ، گریڵاکا ئازادی و ڕاو شەهیدا پەیمان تازە کەرمێوە و تا سەرکەوتەی یەکجاری درێژە بە خەبات و کۆشیای وێما مەدەیمێ .
ڕاوەبەری پڵاتفۆرموو هۆرام-ی
١٤-٢-٢٠٢١
