بەیانیێ

هۆرام : نەورۆز فەلسەفەو ژیوایە ئازادیا .

بەیاننامەو پڵاتفۆرموو هۆرام-ی بە بۆنەو یەسناو نەورۆزی و ئاماو سەرو ساڵێ تازێ .
:
جە وەختێنە ساڵەو ١٣٩٩ هەتاوی یا ٢٧٢٠ مادی دمائیش مێ کە جیهان بە گردی جە ئاژێوە دشوارەنە ژیوۆ . جەنگ ، گرانی ، ئاوڕای ، گێرتەی و ئەشکەنجە هێشتا دمائیشا نامان و شەپۆڵەو ئی نەهامەتیا جە فرەو یاگەکاوە یەخێ خۆڵکوو کوردئیش گێرتێنە . بە جۆرێ کە ڕوانە جە وەرکەوتوو کوردستانی گرانی ، گێرتەی و ئەشکەنجە ، جە سەرنیشتوو وەڵاتی زینان و جەنگ و گۆشار سەروو ڕابەر ئۆجەڵانی ، جە پانیشتەنە دیکتاتوریەت و پەرتەوازی لایانە کوردیەکا و خزمەت بە داگیرکارا و جە رۆژئاوانە جەنگ و مال وێرانی وینمێ .

بەلام ویەردەو گەلەکەیما و هەر پاسە گەلا مێزۆپۆتامیای ئانەشە نیشانەدان کە هەر چن زڵم و ستەم زیاتەر باڵش سەروو کۆمەڵگایرە کێشتەبۆ ، فرەتەر چانەیە مدرامان و کۆشیای جە وەرانوەروو دەسەڵاتی بەرز بیەنەوە . فەلسەفەو و مدرامانی کە بەشێن جە سرووشتی جە تابڵۆ نەورۆزئینە جە ژیواو گەلا مێزۆپۆتامیای و بە تایبەت گەلوو کوردی رەنگدانەوەش بیەن . سەروو ئا ئەساسەیە نەورۆز پەێ ئێمە سەرەراو ئانەیە کە جەژنێ کەڵتووریەنە ، ڕۆ سەرهۆردای و دەسپەنە کەردەو ساڵێ تازئینە . بە تایبەت پەێ ئیمە پسۆ خۆڵکوو هۆرامانی نەورۆز پەیمان تازە کەردەینەوە چەنی ژیوای و سرووشتی . ژیوایچ بە بێ ئازادی نمەبۆ .

پڵاتفۆرموو هۆرام-ی سەرەراو مۆبارەکبایی یەسناو نەورۆزی و سەرو ساڵێ تازێ ، ئاواتوازا کە گەلەکەما بە رۆحوو مدرامانوو شکۆدارارو ڕاو ئازادی ڕابەر ئۆجەڵان و گریڵاکا کورد و کوردستانی جە وەرانوەروو دەسەڵاتدارا و داگیرکارا کوردستانی بە یۆ گێرتەی یەسناو نەورۆزی پیرۆزە کەرا . هەر پاسە بە کەردەیۆ ئایروو خەباتی وەڵاتی جە تاریکی یەکجاری پاک کەراوە . هەر پاسە ئاواتما ئانەن کە سالێ تازێ بۆ بە ساڵەو ئازادی ڕابەر ئاپۆی و گەلەکەیما جە چێردەسەئی و داگیرکاری و یاوای بە ژیوایە ئازاد و یەکسان .

ڕاوەبەری پڵارفۆرموو – هۆرام

١٩-٣-٢٠٢١

Z