ئەنجۆمەنوو باڵاو عێراقی جە دما ئاگادری وێشەنە حکوومەتەکەو کازمیش ئاگادار کەردەوە . خۆڵکوو شەنگاڵی رێککەوتەی پارتی و دەۆڵەتوو عێراقی جە ساڵەو ٢٠٢٠ بە پیڵانگێڵنای جە وەرانوەروو ئێزئیدیەکا مزانا .
ئانجۆمەنوو باڵا و شەنگاڵی جە بەیاننامەو وێشانە داواو کێشیایۆ گردوو هێزوو لایانەکا جە شەنگاڵی کەرا . هەر پاسە داواو سزا داە ئا کەس و لایانا کەرا کە جە مانگەو ٨ ی ساڵەو ٢٠١٤ شەنگاڵشا تەسڵیموو داعشی کەرد . هەر پاسە دیاری کەردەو وەختی جە لاو دەۆڵەتوو عێراقی پەێ چۆڵکەردەی شەنگاڵی جە لاو هێزەکا یەبەشەی بە درێژەو پیڵانگێڵنای زانا و یاونانشا بە هیچ شێوە هێزەکا یەبەشەی شەنگاڵی جیا نمازا .
ئەنجۆمەنوو باڵاو شەنگاڵی حکوومەتەکەو کازمیشا ئاگادار کەردەوە ، گەر گەرەکتابۆ بە زۆر بریارەکا وێتا سەرمانە سەپندێ ، خۆڵکەکەیما پەێ گرد ئەگەرە جە وەرانوەرتانە رێکوزمێ و هەر کاردانەوێوە خراب ڕوە دۆ دۆڵەت بەرەپرسا .
