بەیانیێ

١٥ مەی ڕۆ زوانوو کوردی : نەوانەی بە زوانی ئەڎایی خیانەتا بە ئەڎاکاما .

جە ساڵەو ٢٠١٥ کۆنگرەو نەتەوەیی کوردستانی ( ک.ن.ک) بە ئامانجوو پارێزناو زوانوو ئەدایی ڕۆ ١٥ مەیش پسۆ ڕۆ زوانوو کوردی دیاری کەرد .
پڵاتفۆرموو هۆرام-ی بە بەیاننامێوە پشتیوانی وێش جە بڕیارەکەو کەنەکەی پی شێوە نیشانە دان .

دیاری کەردەو ئی ڕوەیە نیشانەێ ئانەینە کە زوانوو کوردی بە گردوو ڵەقەکاشەو مەتەرسی جە بەین شیەیشا هەن . ئی تەرسێ سەروو زوانەکا کوردی – هۆرامی ، کوردی – زازاکی و کوردی ڵەکی فرەتەرا . بە بۆنەو نەبیەو هیچ سیستمێ وانای و نویستەی چانەی مشۆ تا چن دەهێ تەر هۆرامی ، زازاکی ،ڵۆری و ڵەکی کەمتەر کەسێ پەنەشا قسێ کەرۆ . زوانێچ کە وانای و نویستەیش نەبۆ کەم کەم جە مەیدانوو ئەدەبی ، فەرهەنگی و پەیوەندی ڕوانەی ، بیەیش کز بۆ ، تا ئا یاگێ کە تەنیا نامێش مەنۆوە .
سەڕەڕاو ئانەی کە ڕۆ جیهانی زوانی ئەدایی هەن ، بیەو رۆ زوانوو کوردی هەنگامێنێ پەێ بۆنیاد نیاو سیستمێ کە تاوۆ گردوو ڵەقەکا زوانوو کوردی جە چوارچێوە دیموکراتیکەنە پارێزنۆ . تا یاوای پا سیستمەیە و وێڕاوەبەریە ئازاد ، ئەرک و گرد لایایەن کە پەێ رێکوستەی سیستمێ ئازاد و دیموکراتیک هەنگامە بنیا . سەرەراو ئانەی کە نەوانای بە زوانوو ئەدایی کۆسپێ گەورەن جە بۆنیاد نیاو کەسایەتی زارۆڵەی و شێوەو ویر کەردەیشۆ . بە جۆرێ تەر نەوانای بە زوانوو ئەڎایی خیانەتا جە ئەڎاکاما .
:
پسۆ پڵاتفۆرموو هۆرام-ی کە یۆ جە ئەرکە تایبەتیەکاش پارێزنای زوانی ئەدائین . پەێ یاوای پا ئامانجێ کۆشیای پەێ ئەرەمەرزنایڕەو سیستموو وێڕاوەبەری ئازاد و دیموکراتیکا پەێ هۆرامیەکا . وێڕاوەبەریە کە زوانوو پەنەیاونای و پەروردەو زارۆڵا چا سیستمەنە زوانوو کوردی – هۆرامیا .

دەسەو ڕاوەبەری پڵاتفۆرموو هۆرام-ی
١٤-٥-٢٠٢١

Z