جە دامو ئانەی کە جە فرەو پەڵە ئنترنێتیەکا دیمەنەکا بڕیەو دارە بەڵوەکا هەرێموو بادینای جە لاو دەۆڵەتوو تورکیەی وەلێ کریەوە ، خەلکوو کوردی بە هەر شێوە کە بێ دەنگوو نارزازی وێش نیشانەدا . بە جۆرێ کە پارڵمانوو هەرێموو کوردستانی بە نامێوە فەرمی داواش جە دەۆڵەتوو تورکیەی کەرد کە بڕیەو دارەکا مدرنۆ و هەرێمەکەی بازۆ جیا .
جە دماو نامەکەو پارڵمانوو هەرێموو کوردستانی ، کۆنسووڵخانەو تورکیەی جە هەرێموو کوردستانی بە نامێوە فەرمی نارەزایەتی دەۆڵەتوو تورکیەیش جە وەراوەروو ئا نامەیە کە پارڵمانوو کوردستانی دابێ بەر نیشانەدا . جە نامەکەو دەۆڵەتوو تورکیەی ئامان کە خەلکوو باشوورو کوردستانی با یەخێ مەسئووڵەکا وێشا گێرا کە وەڵاتەکەشا بە بەێ ئاگاداری ئادیشا ورەتەن . هەر پاسە نوێنەروو تورکیەی ئیسارەش پانەی کەردەن کە دەۆڵەتوو تورکیەی ئا دارێشە جە ئا یاگانە بڕیەنێ کە وەڵتەر خاکەکەشا جە لاو دەسەڵدارارا پارتی و بارزانی ورەشیان .
یاگێ باسێنە کە جە سەرداو کازمی سەرۆک وەزیرا عێراقی پەێ تورکیەی ، ئەردۆغان باسوو ورەتەو خاک و باشوور و کوردستانی بە تورکیەی سەر راس کەردەبێوە . هەر پاسە مەسروور بارزانی جە دیداروو وێش چەنی کازنمی باسوو ورەتەو خاک و باشوریش بە تورکیەی نەشارتەنەوە و واتەنش چانەی خاستەرا دەسوو پەکەکەیۆ بۆ . تورکیە هەم ئێمە و هەم عێراقی جە وەرانوەروو هێرشەکا پەکەکەی پارێزنۆ .
