خەبەرێ

هۆرام : ڵۆزان سەرەراو وەڵاتەکەیما ، مەژگیچش بەش کەردێنمێ .

جە درێژەو چاڵاکیەکا پڵاتفۆرموو هۆرام-ی جە بەروو وەڵاتی جە ڕوەکا ١٠/١١/ و ١٢ جووڵای نمانەروو پڵاتفۆرموو هۆرام-ی بە نامێ مادێح ئەدوایی بەشداروو چاڵاکی ڕاپەیمای یەرە ڕوەی بی . چالاکیەکە کە جە لاو کەجەدەو ئەرووپای و کۆنگرەو نەتەوەیی کوردستانی بە ئامانجوو نارەزایەتی وەرانوەروو بڕیارەکا ڵۆزانی پەێ بەشکەردەو خاکوو کوردستانی ، رێکوزیابێ .
ڕاپەیمایەکە بە ماوەو یەرێ ڕواوە جە ڵۆزان تا ژنێف دەسش پەنە کەردەو و بە وانایۆ پەیاموو لایانە بەشدار بیەکا جە وەرانوەروو نمایەندەگی نەتەوە یۆگێرتەکا دمائیش ئاما . زیاتەر جە ١٣ رێکوزیە بەشدارێ چاڵاکیەکەی بێیەنێ .
:
نمانەروو پڵاتفۆرموو هۆرام-ی سەروو نامێ هۆرام-ی پەیامێش واناوە کە بابەتو پەیامەکەی پی چۆرە ئامان ..
:
ئیمە پسۆ پڵاتفۆرموو هۆرام-ی دەنگوو پشتیوانی پەێ یۆگێرتەی نەتەوەیی و بەرکەردەو داگیرکارا جە وەڵاتەکەیمانە و هەر پاسە نارزای بیەو خۆڵکوو هۆرامانی جە وەرانوەروو خاڵەکا قەباڵەو ڵۆزانی نیشانە مدێمێ . قەباڵەو ڵۆزانی کە سەروو ئەساسوو ئینکاروو گەل و ئیمەوە رێکوزیان بە بێ ئانەی ئیرادەو گەلەکەیما بە بنەما گێرۆ وەڵات و ئیمەش بەینوو چن دۆڵەت – نەتەوەینە بەش کەردەن . بە تایبەت هۆرامانوو ئێمەیچش کەردەن دوێ بەشێ . ئانە کە هێشتا یاگێ داخێنە فرەو حزب و لایانەکا ئێمە مەرزە دەسکردەکێشا جە مەژگشانە چەسپنێنێ و هێزو و تواناو ئازاد ژیوایشا نەمەنەن .
ئێمە پسۆ پڵاتفۆرموو – هۆرام-ی سەرەراو نارزازی بیەیما جە دماو ٩٨ ساڵا ئاڕۆ چیگە ئامادە بیەنمێ تا پەیاموو خۆڵکەکەیما یاونمێ بە گرد لایانەکا . ئاژەو ئاڕۆ گەل و کوردی فرە سەخت و زەحمەتا . پەێ سەرکەوتەی سەروو ناراحەتیەکارە تەنیا یۆگێرتەی تاوۆ ئیمە یاونۆ بە کوردستانی ئازاد و دیموکراتیکی .

Switzerland: Defend Kurdistan Initiative appeals for solidarity with rally taking place before the UN’s Geneva office

Z