بە بۆنەو کۆچ و نابەوەختوو هۆنەرمەند و شمشاڵ ژەنوو هەرێموو هۆرامانی ، هۆنەرمەند جافر زەڵکەیی .
خۆڵکوو وەشەویس و هۆرامانی ، بە تایبەت خانەوادە ، کەس و کار و یانەو هۆنەرمەندا وەرکەوتوو کوردستانی . هەر پاسە ئاگادارێندێ ڕۆ ٢٤ کۆپری وەرانوەر بە ١٦ جووڵاو ٢٠٢١ هەوال و گیان جە دەستداو هۆنەرمەند و شمشاڵ ژەنوو هەرێموو هۆرامانی کوردەواری کاک جافرمحمدی زەڵکەیی بە بۆنەو پێکیای ماشینی وەلا بیوە .
پسۆ کۆمسیۆن و فەرهەنگی پڵاتفۆرموو هۆرام-ی کە هەمیشە پاڵپەشت و هۆنەرمەندا و هەر پاسە کەڵتوور و نەتەوەکەیما بیەن و هەن . مەرگ و هۆنەرمەند و وەشەویس و گەلەکەیما بە تایبەت هۆرامانی کاک جافر زەڵکەیی خەمبارێ کەردیمێ . ئی کۆسپە گەررەیە بە کۆسپ و وێما مزانمێ . سەرەراو سەرەوەشی جە خانەوادە و کەس و کاروو کۆچ کریای ، هیواو سەبووری و سڵاماتیشا پەێ ئاواتوازمێ .
مشۆم ئا راسیەیە باس کەرمێ کە جە دماو کۆچ و هۆنەرمەند قاڵە مەڕەی ، کاک جافر بە وێش و شمشاڵەکێش ناستش یۆ جە هۆنەرە کۆنەکا کوردەواری چراوەش کزە بۆ . بە داخەوە بە هۆ تەسادفی کاک جافر جە تەمەنێ جیاش ئاستیمێ کە هێشتا هۆنەر و کەڵتوورو کوردەواری پەیویستش بە ساز و دەنگ و شمشاڵەکێش بێ . هیواما ئانەن کە جە زووتەرین وەختەنە تاومێ ئاسارە هۆنەریەکاش بە شێوەی سەردەمیانە پەێ نەوەکا دماو ڕۆی پارێزنمێ و بە یاد کەردەیشۆ ، نامێش پەێ هەمیشە بازمێوە . دڵنیەنمێ خۆڵکوو هۆرامانی تا هۆنەرشا مەنۆ دەنگوو شمشاڵەکێ هۆنەرمەند جافر زەڵکەیی فەرامۆش نمەکەرا .
:
کۆمسیۆنو فەرهەنگی پڵاتفۆرموو هۆرام-ی
١٥-٧-٢٠٢١