بە پاو راپۆرتێ کە جە وێڕاوەبەری شەنگاڵی وەلا بیەنەوە جە ١٥ -٥-٢٠٢٠ بە ئامادەکاری شارەوانی شەنگاڵی نزیکەو ٩١٣ یانێ جە ئاوارەکا شەنگاڵی سەرەرا گردو گرفتەکا ژیوای و حەرەشەکا تورکیەی گێڵێنێوە شەنگاڵ .
کۆمسیۆنوو کاروباروو ئاوارەکا شەنگاڵی کە جە نوێنەروو سیستمو وێڕاوەبەری و هێزە ئەمنیەکا رێکوزیان ئەرک و ئاسانکاری پی گێڵایۆ ئاوارەکاش گێرتەن وێ . ئی ٩١٣ خانەوادە کە جە کەمپەکا پانیشتوو کوردستانی پەنا دریەبێنێ بە هەمیاری شارەوانی شەنگاڵی یانەو بانشا پەێ رێکوزیاوە . کۆمسیونوو ئاوارەکا شەنگاڵی داواش جە خەلکوو ئیزئیدی کەرد کە بە گێڵایەوە وێشا جە شناسنامە و ئاو و خاک و وێشا ساحێبداری کەرا . یاگێ باسینە کە شارەوانی شەنگاڵی ئەرکوو واستەیۆ وەسایڵ و خانەوادەکاش گێرتەبێ وێش .
