جە ئەوەڵوو ساڵەو ئێساڵیوە ئێران ١٣٨ کەسێش دێنۍ قەنارەڕێکوزیاو مافوو مرۊڤوو ئێرانی وەڵاش کەرڎۊ، تەنیا جە ١٥ ڕۊو ئەوەڵوو ئی مانگێنە٢٩ کەسۍ ئێراننە و وەرکەوتوو کورڎسانینە دریێنی قەنارە، کۊو گرڎوو ئا کەسایچە ئێساڵ دریێنۍ قەنارە یاوۍ ١٣٨ کەسۍ.
جە تازەتەرین ئەرەیاوناینە، ڕێکوزیاو مافوو مرۊڤوو ئێرانی وەڵاش کەرڎۊ، جە دوۍ مانگۍ و نیموو ئێساڵیوە ١٣٨ کەسۍ جە ئێراننە، دریێنۍ قەنارە کە ٨٨ کەسێشا بۊنەو ماددەی هۊشبەریوە بییەن.
تەنیا جە ماوەو ١٥ ڕۊی ویەرڎەینە، یانۍ جە ١ تا ١٥وو ئازاری ٢٩ زینڎانیۍ ئێراننە دریێنۍ دار، ڕێکوزیاکەیچ هۊشداری مڎۊ جە فرەبییەی ژمارەو جەداردایەکا ئێراننە. ڕێکوزیاکە ڕۊشنش کەرڎۊ، جە هەمان ماوەو ساڵەو ٢٠٢٠ێنە ٦٧ زینڎانیۍ دریێنۍ قەنارە و جە هەمان ماوەیچنە جە ساڵەو ٢٠٢١ێنە ٧٢ زینڎانیۍ دریێنۍ دار و جە ساڵەو ٢٠٢٢ێچنە ٩٤ زینڎانیۍ جەدار دریێنۍ.
