خەبەرێ

نۆژین : ئانە زوانوو کوردین کە زینان کریۆ نە زارا .

کۆگاو ئەدەبی فەرهەنگی نۆژین-ی جە شاروو سنەی سەروو گیریاو زارا مەحەمەدی پسۆ یۆ جە ئەرەمەرزنەرەو کۆگاکەیشا بەیاننامێوەش دا بەر . جە بەیاننامەکەو کۆگاو نۆژین-ی ئامان ئانە کە زینان کریۆ زارا مەحەمەدی نیەنە . ئانە زوانوو کوردین کە زینان کریۆ . زارا پسۆ ژەنێوە کە پەێ پارێزناو زوانی ئەدائیش هەنگامەش نیەنە هیج یاسێوە بنەڕەتی جمهووری ئیسڵامیش نەماڕان و نەترازنان .

جمهووری ئیسڵامی و باقی داگیرکارا کوردستانی هەمیشە چێروو نامە جیاوازەکا چاڵاکا زوان ، فەرهەنگ ، ژیوگە و ئەدەب و کورد و کوردستانیشا ڕوانەو زینانەکا کەردێنی . ڕاسی ئانەن کە داگیرکارا کوردستانی چەنی بیەو ئیمە گرفتشا هەن . چەنی شناس و زوان و فەرهەنگیما . سەروو ئا ئەساسەیە گرد لایا ئاگادار کەرمێوە کە ئا بڕیارەو دادگاو شاروو سنەی ، بڕیارێن سیاسی و هیچ بنەڕەتێ حقوقی و یاسائیش نیا . جە کەسایەتی زاراکانە دژایەتی ناعادڵانەو زوان و شناس و نەتەوەکەیما کەرا . جە وەرانوەروو ئا زۆڵمەیە کە ڕوانە جە کۆمەڵگاکەمانە بە بۆنەو کورد بیەیما وینمێش بێ دەنگێ نەبیمی . یاگێ وێشەنە کە گرد کوردێ وەڵاتپارێز بۆ بە دەنگ و ڕەنگ و ژەنە چاڵاکوانەو زوان و کوردی زار مەحەمەدی .

کۆگا ئەدەبی فرهەنگی نۆژین

Z