خەبەرێ

پەیوەندییەکۍٚ کەجەکە-ی پەی حکومەتو ئێراقی: ڕێز جە کۆمەڵگاو ئێزیدی بگێردۍٚ

کۆمیتەو پەیوەندییەکۍٚ کەجەکە-ی بانگەوازیش جە حکومەتو ئێراقی کەرد: ڕێز جە کۆمەڵگاو ئێزیدی بگێرە و پەیوەندیش چەنی بمەرزنەرە و بەهێز و چەک و تنڎوتیژی دژبەریش نمەکەرە. ئێمەیچ (جمیەرو ئازادی) پەشتیوانۍ هەر (ڕاچارێوی دیمۆکراتیک)یەنمۍٚ.

هەرپاسە پەیوەندییەکۍٚ کەجەکە-ی باسش جە ئامانج و پیلانەکانو ڕژێمو تورکی پەی پانیشتو کوردستانی و ئێراقی کەردەن و ئانەشە بە سەرجەنۊ زینڎەکەردەیۆ ئیمپارتۆری عۆسمانی بەنامێ کەردەن و وازیارەن تا حکومەتو ئێراقی و گەلۍٚ هەرێمەکە جە هەستاری قۆناخەکەی بیاوانە.
هەرپاسە پەیوەندییەکۍٚ کەجەکە-ی دەستنیشانش کەردەن: گەریلا وجمیەرو ئازادی کوردی دیوار و وەربەسەێنۍٚ وەردەمو پیلان و پڕۆژە عۆسمانی نۊی و گەریلا گرانتی ئاشتی و پارێزنای هەرێمەکەیو گەلەکانشە، ۋەرو ئانەیە مشیۆم گرد کێ و لایێ پەشتیوانیشان ببانۍ.

هەر جە بانگەواریەکەنە باس جە ئانەی کریان: جە ٢٠٢٢/٠/٢٢ی، ڕژێمە فاشیتەکەو تورکی پەی دلێنەبەردەو کوردی قۆناخێوی نۊش جە هێرشکەردەی دەستپنەکەردەن. ئانێچ ئەنجامو تەنگەتاوبییەی و وەرتەرسکەوبییەشەن جە سەرجەم ۋیارە (سیاسیی، ئیکۆنۆمیی، دیپلۆماتیکیی، کۆمەڵایەتیی و دەسەڵاتدارێتیی)ـەنە و هامزەمان فاڕای ئاژەیەن و ڕاچارەی لەشکری وستەنگەڕ تا وێش جە کێشۍٚ و قەیرانە فرۍٚ و فراوانەکان قوتار بکەرۆنە و هاموەختیچ تەمەنو دەسەڵاتداریەکەیش درێژ بکەرۆنەوە. پەی ئەوەشاری سەرجەم ئانیشاچە هەوڵ مڎۆنە جە هەرێمەنە خاکی زیاتەر بگێرۆرە و بوزۆنەش چێرو دەسەڵاتداری وێش تا جە ڕاشەوە ڕاو گردینو تورکیای هۆربخەڵەتنۆنە و کێشۍٚ و قەیرانەکێشان جە ۋیر  ببەرۆنەوە. بە تایبەتی ئا سیاسەت و پیلانۍٚ دژ بە کوردستانی و گەلەکەیش مبەرۆنەڕاوە بە ئا ئامانجە بەکجاری دلێنەببەرۆنەشا و بسەڕۆشاوە.

پەیوەندییەکۍٚ کەجەکە-ی، ئەرەیاونانش: مدرامان و کۆشای گەریلای فرێو جە حساباتەکۍ ڕژێمو تورکیش تێکێ دێنۍٚ و ئاسەنگۍٚ کەردێنۍٚ. پەوکەی هەر کەسێ و لایەنێوە ئی هێرشەو ڕژێمەفاشیستەکەو تورکی چوون دوژمنایەتیی پەکەکە-ی تەماشە بکریۆن، بە ئا واتایە مەیۆن هیچ چێوێوە جە ویەردەی و مێژووی نە یاوانەنە و حاڵی نەبییەن و ڕاستەڕاست ببانۍ بە هامبەشۍٚ و هامکارۍٚ هێرشەکەی. مشیۆم جە ۋیرمان نەشۆنە کە ڕژێمو تورکی دوژمنو دێرینەو کوردی و گەلانو ناوەچەکەیەن.

کۆمیتەو پەیوەندییەکۍٚ کەجەکە-ی، هێرشەکۍٚ دژ بە شەنگال-ی و کۆمەڵگاو ئێزیدییش هۆرسەنگنێنۍٚ و ئاشکراش کەردەن: ئێزیدیەکۍٚ جە ٢٠١٤نە قارەمانانە ڕووبەڕووۍٚ چەتەکۍٚ داعشی بیێوەو شکستش دێ. جە وەختێوەنە کە شەنگالییەکۍٚ تازە بە تازە جە ٧٣مین فەرمانی و قڕکەردەی و قوربانیدای هەزاران جە ژەنۍٚ، زارۆڵۍٚ و پیرۍٚ و جەوانۍٚ ڕزگارشان بییەن و هەزاران ژەنۍٚ و پیۍٚ تەرۍٚچ چارەنۋیسشان نادیارەن. جە کاتێوەنەهیشتای زامەکۍٚ ئا گلێرگەیە ساڕێژۍٚ نەبیێنێ، کەچی ڕژێمو تورکی هێرشان مبەرۆنە سەر و ئانە کە بە داعشی پنەش نەکریا و نەیاوا ئامانج جە شەنگالەنە، گەرەکشەن وێش تەمامنۆنەش.
دمای شکستدای داعشی، ئێزیدییەکی پەی ئانەی جارێوی تەر ڕووبەڕووۍٚ هەمان چارەنۋیسی نەبانێوە وێشان ڕێکوست و ڕاکارگەلێوشان گێرتێنەوەر و فیدڕالیزم و وێڕاوەبەریشان بە بنەما گێرت کە ڕۆحو قانون و دەستور ئێراقی-ن. ئی ڕاکارۍٚ ئێزیدییەکان، زیاتەر جە گرد لایێ (پەدەکە) کە شەنگالش تەسلیم بە داعشی کەرد و ڕژێمو تورکی کە وەرپرسیارو داعشین، زویرۍٚ و توڕۍٚ کەردێنۍٚ و سەرجەم هەوڵەکێشان پەی دژایەتیی شەنگالی و ئێزیدییەکان وستێنۍٚگەڕ و هانەو حکومەت و لایەنە ئێراقییەکان پەی دژایەتیی شەنگالی و ئێزیدییەکان مڎانۍٚ. جە وەرانوەرەنە ئێزیدییە ستەمدیدەکۍٚ، جە سەرتاوە تا بەئارۆ سەرجەم هەوڵەکێشان پەی ئاشتی و چارەسەری و دیالۆگی و دوورکەوتەی جە تنڎوتیژی بیێنۍٚ چەنی حکومەتو ئەرتەشو ئێراقی. 
بەڵام پەدەکە و ڕژێمو تورکی کۆڵ جە دژبەری نمڎانێ جە ڕاو ئەرتەشو ئێراقییەوە پیلانەکانشان کەردەیۍٚ مکەرانێوە. ئانەیچ بییەن بە هۆکار جە چنڎ ڕوۍٚ ۋیەردێنە ئالۆزی ڕووە بڎۆنەوە.
کاتێوە ٧٣مین فەرمان دژ بە ئێزیدییەکان دەستش پنەکەرد، ئێمە دەستوەردایمان کەرد و گلێرگەو ئێزیمان جە داعشی پارێزنا. دماو ئانەیە ئێزیدییەکۍٚ وێشان ڕێکوست و پەی پارێزناو وێشان هێزەکۍ  یەبەشە، یەژەشە و ئاسایش-یشان مەرزنێرە و تائاستێوی فرە ڕووبەڕووۍٚ داعشی بیێوە و بە پەشتیوانی حکومەتو ئێراقی شکستشان دێ. شۆنیشەرە وێسەریی و وێڕاوەبەریی وێشان بنیاد نیا و هەوڵشان ئانەبێ تا وێشان و گەلۍٚ هەرێمەکەی بپارێزنانۍ و ببانۍ بە ئاستەنگ وەردەمو هێرشەکانە پەی سەرو وێشان و ئێراقیچ. هەر پۆکەی هێزۍٚ و ڕاوەبەریی شەنگالی و ئێزیدییەکان مەتەرسی نییەنۍ، بەڵکو چارەسەری و ساقامگیریەنۍٚ.
ڕژێمو تورکی یۆ جە ئامانجەکانو هێرشەکەیش پەی سەرو پانیشتو کوردستانی، بەجەنگدای حکومەت و ئەرتەشو ئێراقین چەنی ئێزیدییەکان.
ـێزیدییەکۍٚ گەلێوەنۍٚ کەڕووبەڕوو قڕکەردی و دلێنەشیەی کریێنێوە و ستەمی   فرەشان ونە کریان، پەوکەی مشیۆم حکومەتو ئێراقی ۋەرپرسیارانە و هەستیارانە نزیک جە گلێرگەکەیشان وئیرادە سیاسییەکەیشان ببۆنەوە. ئانێ کە تا ئی دماییە چەک و هێزشان دژ بە ئێزیدییەکان بەکارئاورد، ڕژێمو تورکی، پەدەکەو داعش بێنۍٚ.ئیسەیچ هەر ئاڎێنۍٚ پیلانەو ئاڵۆزییەکانو شەنگالی مجارە و ئاژاولۍٚ منیاوە.
پەیوەندییەکۍ کەجەکە-ی بانگەوازیش جە حکومەتو ئێراقی کەرد: ڕێز جە کۆمەڵگاو ئێزیدی بگێرەۆنە و پەیوەندیش چەنی بمەرزنۆرە و بەهێز و چەک و تنڎوتیژی دژبەریش نەکەرۆنە. چونکە هیچش چەنە سوز نمەبۆنە و بارودۆخەکەی زیاتەر ئاڵۆزکنۆنە کە ئانێچە ئامانجو تورکیای و پەدەکەین و مشیۆم ئێراق و ئێزیدییەکۍٚ وشیارۍٚ بانۍٚ و وێشان چنەش بەدوور بگێرانۍٚ. پەنوازەن هەر دوۍٚ لایۍٚ دیالۆگ بەبنەما بگێرانۍ و ڕاچارەو گرفت و ئاڵۆزییەکان هەر دیالۆگەن. ئێمەیچ جە (جمیەرو ئازادی) پەشتیوانۍ هەر (ڕاچارێوی دیمۆکراتیک)یەنمۍٚ و چێش پنەما بکریۆنە درێخی نمەکەرمۍٚ.
جەکۆتاییەنە کۆمیتەو پەیوەندییەکۍ بەرو کۆما جڤاکێن کوردستانی (کەجەکە/ KCK)، بانگەوزای جە سەرجەم  هێزۍٚ و لایەنۍ و گلێرگەکۍٚ کوردستان، ئێراق و ناوچەکەی مکەرۆنە تا دژ بە هێرش و پیلانگێلی ڕژێمو تورکیای و پەدەکەی جە پانیشتو کوردستانی و شەنگالی بمدرانێو و دەنگو وێشان دژش بەرز بکەرانێوە.

Z