بەیاننامەو پلاتفۆرمو هۆرام-ی بە بۆنەو ١٨هەمین ساڵرۆو ئەرەمەرزنای پارتو ژیواو ئازادو کوردستانی– (پژاک) و ٧٣ مین ساڵرۆو جە ئەڎابیەو ڕابەر ئۆجالانی:
گەلو کوردی بە گردیی و وەرکەوت و کوردستانی بە تایبەتی جە ویەردەو وێشەنە فرە سەرهۆردایێش دیینۍ، بەڵام هیچ کامشان ڕنگەو ئاخێزیش پۆوە نەنیشتەن. بە بەرکەوتەو ویر و فەلسەفەو ڕابەر ئۆجالان-ی، گەلو کوردی جارێ تەر ڕۆحێ تازە کریا وەرشەرە. سەردەمو بێهیوایی و بێڕابەری بە ئەرەمەرزیارەو پەکەکە-ی دمائیش ئاما. بەرکەوتەو پەکەکەی دەسپەنەکەردەو ئاخێزێ تازە بە شکۆداری جوانا و ژەنا بێ.کۆشیاو پەکەکە-ی بە ڕابەری سەرۆک ئۆجالانی بی بە قیبلێ گرد کوردێ ئازادیوازی. بێگومان بڕفاناو ڕابەر ئۆجالانی جە پیلانێ ماندەوڵەتینە جە ١٥-٢-١٩٩٩ خەسارێ گەورە بێ پەی گەلو کوردی و ئازادیوازا جیهانی، بەڵام بە ئا پیلانێ نەتاواش شکت بە ئیرادە و ڕابەرایەتیی و گەلەکەیما بدا، بەڵکو شۆنیشەرە زیاتەر هازی بە کۆشایی ئازادی دریا و ئۆجالان ئیمرالیش کەرد یاگۍ گوڕای بەئا کۆشاییە کە ئی جارە بە کوردستانەوە سنوردار نەبی و وەرکەوتی دلین و سەرپا جیهانیش گێرتەوە.
جەوەرکەوت (ڕۆژهەڵات)و کوردستانی، ئەرەمەڕزنایرەو پارتو ژیواو ئازادو
کوردستانی پژاک جە ساڵرۆو جەئەدابیەو ڕابەر ئۆجالان-یەنە جە ٤-٤-٢٠٠٤ی،
هەنگامێ تاریخیە بێ پەێ پووچەڵ کەردەیۆ ئا پیلانە میاندەوڵەتیۍ.
ئەرەمەڕزنایرەو پژاک-ی، بەرکەوتەو وەرەتاوێ بێ پەی دمایی ئامای بە تاریکی و
نائومێدی و گیڵنایۆ هیوا و ئیرادەی پەی گەلەکەیما جە وەرکەوتو کوردستانی.
هەر پەوکەی پلاتفۆرمو هۆرام-ی جە ڕوێ پسەو ئارۆی ( ٤-٤-)یەنە، سەرەڕاو موبارەکبایی جەئەڎابیەو ڕابەرو ئازادیوازا جیهانی و ئەرەمرزنایرەو پارتو ژیواو ئازادو کوردستانی، کۆشیای پەی ئازادی فیزیکی ڕابەر ئۆجالانی و سەروستەو ئامانجەکاو پژاک-ی جە وەرکەوتو کوردستانی بەڕا و خەباتو وێش مزانۆ. هەر پاسە بەرز بیەیەو هوشیاری نەتەوەیی و بە ئیرادەبیەو گەلەکەیما بە مدرامانو ڕابەر ئۆجالان-ی و کۆشیای پژاک-ی جە ماوەو ١٨ ساڵۍ ویەردێنە مزانۆ. سەرو ئا ئەساسەیە باورمان ئانەن کە گەلەکەما جە وەرکەوتو کوردستانی قەرزارو فەڵسەفەو ڕابەر ئۆجالانی و ئاخێزو پژاک-ین.
ڕاوەبەری پلاتفۆرمو هۆرام-ی
