١ دۆلار ١٨ (لیر)ێش دەرباز کەرد و ١٢ هەزار کۆمپانیۍٚ تەرۍٚ تاپولۍٚ بیۍٚ
بە بۆنەو سیاسەتە مڵهۆڕیەکا ئەردۆغانی ڕۆ دما ڕۆی زەڕوو تورکیەی بەهاکێش وەزۆرە وار . لیرە بەهاش زیاتەر ۋەستەرە و ١ دۆلار ١٨ (لیر)ێش دەرباز کەرد و جە ٧ مانگۍٚ ۋیەردێنە تا ئیسە ١٢ هەزار کۆمپانیۍٚ تەرۍٚ تاپولۍٚ و ۋەرشکستۍٚ بیێنیۍٚ و دەیان هەزار کارکوزارۍٚ و هەمانبەرۍٚ بێکارۍٚ بیێنۍٚ
ڕۆ دما رۆی ئابوری تورکیا ڕوو بە ئەرەتەپای زیاتەرین و جە دمای ئانەی کە بانکو ناوەندی تورکیای نرخو سودیش ١٣٪ ۋەزنارە، پولو ئا وڵاتەیە (لیر)ـە زیاتەر بەهاش ۋەستەرە، بەجۆرۍٚ جە بۆرس و بازارەکانە ١ دۆلار ١٨ (لیر)ێش دەرباز کەرد و مامەڵەش پۆۋە کریا.
پەیوەست بە ئانەی بانکو (ئێم یو ئێف جی) کە گەورەتەرین بانکی ژاپۆن-ین ئاشکراش کەرد: بەزوویی لیرە زیاتەر بەهاش بتەپرۆرە و ١ دۆرلا بە ٢٠ لیرۍٚ مامەڵەش پۆۋە بکریۆنە.
جە لایێ تەرەوە جە ٧ مانگۍٚ ۋیەردێنە تا ئیسە ١٢ هەزار کۆمپانیۍٚ تورکیۍٚ تاپولۍٚ و ۋەرشکستۍٚ بیێنیۍٚ و جە ئامشەنە دەیان هەزارۍٚ کارگوزارۍٚ و هەرمانبەرۍٚ کۆمپانیاکان کارەکێشان جەدەست دێنۍٚ. بە ئی شێوە جە سایەو نەزانکاری و سیاسەتە هەڵەکانو ئەردۆغان-یەوە، دەیان هەزار خێزانۍٚ تەرۍٚ پەیوەستۍٚ نەداری و هەژاری بیۍٚ.
