ئەنداما پلاتفۆرموو هۆرامی روا ١٤ و ١٥ سپاتامبرو ٢٠١٥ بەشداروو کۆنفرانسوو نەتەوەیی وەرکەوتوو کوردستانی کە جە لاو کۆنگرەو نەتەوەیی کوردستانی ( کەنەکە ) یەو رێکوزیابێ ، بێیە . جە کۆنفرانسەکەنە سەروو بابەتوو ئاژەو سیاسی ئارۆی وەرکەوتوو کوردستانی ، ژەنا ، ئابووری و مافەکا ئینسانی قسەو باس کریا . جە رۆ دمائیی پێ لوا و ویرو ڕاو حزبەکا ، رێکوزیایەکا وکەسایەتییە سەربەخۆکا پێ چارەسەری گرێفتەکا و یاوای بە یەکیەتی نەتەوەیی جە وەرکەوتوو کوردستانی باس کریا.
پلاتفۆرموو هۆرامی پێ نزیک بییەو لایانەکا جە چن خالێنە ویروراو پلاتفۆرمیش پێ شێوەو ئاشکرا کەرد .
:
گەلەکەما جە وەرکەوتوو کوردستانینە ، روە پر جە زەحمەتەکا وێش تەجرۆبە کەرۆ . دۆلەت و جمهووری ئیسلامی ئێرانی سیاسەتوو سالەکا ١٣٦٠ وەرەتاوی بە فشار سەروو چالاکا مەدەنی ، قەنارەداو زینانیا سیاسی ، کۆشتەی کۆڵبەرا و ملیتاریزە کەردەو وەرکەوتوو کوردستانی دووبارە کەرۆوە . چی ئاژەنە گەر گەل و کوردی هووشیار نەبۆ ، جە هەر ئەگەرێ کە روە دۆ گەلەکەما جارێتەر بە خرابتەر جە جارانی بۆ بە قۆربانی و ژیوایش پێ یاوای بە ئازادی تاڵتەر بۆ . پێ دووبارە نەبیەیۆ تاریخ و ماڵ وێرانی پسۆ پڵاتفۆرموو هۆرام-ی ئی خاڵا پسۆ ڕا چارەکا ئاشکرا کەرمێ .
١- رێکوستەو سپێوە یەکدەس پێ پارێزناو گەل و نیشتمانی .پێ وەر گێرتەی جە رووداوە ناوەشەکا چن هێزی جە وڵاتێوەنە بە تایبەت شەری ناوخۆ.
٢- رێکوستەو کۆمیتێوە هام بەش پێ دیپلۆماسی ، چەنی دۆلەتی مەرکەزی ئایەندەی و بەروو وڵاتی . باورما پانەین هیچ کەس و لایانێ بە تەنیا نمەتاوۆ نمایەندەو وەرکەوتوو کوردستانی بۆ .
٣- هەماهەنگ بییەی چەنی لایانە ئازادیوازەکا ئێرانی بە تایبەت ژەنا . رژیم بە تەنیا بە کوردی نمەفاریۆ ، پێ ئانەی ئێرانێ دیموکراتیک بۆنیاد بنریۆ ، کۆشیای هام بەش پەنەوازەن .
٤- نویستەو پرۆژێوە هام بەشی نەتەوەیی پێ هەر ئەگەرێ کە جە دمارۆ روە دۆ . ئێمە مشۆم زانمێ کە چێشما گەرەکا و پێ چێشی کۆشیەمێ .
٥- رێکوستەو کۆمیتێوە تایبەت سەروو تاوان و جەنایەتەکا رژیمی جە دادگا جیهانیەکا ، سەروو مەسەلەکا ، قەنارەدای ، کۆشتی کۆڵبەرا ، دەس درێژی و ئەشکەنجە .
٦- تاکید سەروو سەربەخۆیی سیاسی و خەتوو فکری وەرکەوتوو کوردستانی . نمەبۆ وەرکەوتوو کوردستانی وێش کەرۆ قۆربانی هیچ لایان و بەشێ . سەرەراو تەکید سەروو هەرمانەی هامبەش چەنی بەشەکا تەری ، مشۆم سەربەخۆیی سیاسی وێما پارێزنمێ .
٧- تاکید سەرو پارێزناو یاساکا مافوو ئینسانی جە چوارچێوەو نەتەوەی دیموکراتیکینە . وەرکەوتوو کوردستانی مزائیکە فرە رەنگەنە کە بە بێ وەرچەم گێرتەو جیاوازیە زوانی ، باوری و ویروو راکا ، یەکیەتیی نەتەوەئیش زەحمەتا .
پلاتفۆرموو هۆرام-ی
١٤- و ١٥ سپاتامبروو ٢٠١٩ ستۆکۆڵم
