حزب و ژیواو ئازادوو کوردستانی – پژاک کە جە ساڵەو ٢٠٠٤ مەرزیانەرە جە ڕوەکا ١٠ و ١١ مارچوو ٢٠٢٠ وەرانوەر بە ٢٠ تا ٢١ ئسفەندو ١٣٩٨ هەتاوی ششمین ٦ کۆنگرەو وێش جە کەشە سەربەرزەکا کوردستانیوە بە درۆشمەو بە فراوان کەردەو رۆحوو نەتەوەو دیموکراتیکی ، پەی یۆگێرتەی نەتەوەکا ئێرانی جە چوارچۆ سیستمی دیموکراتیکی هەنگامە منیەمێ .
جە کۆنگرەو پژاکی کە جە ئاژێوە تایبەتی ئەمنیەتی و بە دوور جە چەموو میدیاکا لواڕاوە ، پژاک سەرەراو نەقدو کارنامەی سیاسی و چەکداری و کۆمەڵایەتی وێش بە کۆ دەنگی پڵاننامەو دوە ساڵی ئایەندەیش دیار کەرد . جە دماو هۆرچنیەو دیوانی ، کۆنگرە بە فەرمی جە لاو هام سەرۆکوو پژاکی سیامەند مۆعینی دەسش پەنە کەرد . کۆنگرەکەنە سەروو چن بابەتا پسۆ …
- شیکەردەیۆ ئاژەو سیاسی ، کۆمەڵایەتی و چەکداری ئێرانی و وەرکەوتوو کوردستانی .
- تەکید سەروو سیاسەتەکا خەتوو یەرەمی .
- چارەسەری گرفتەکا کۆمەڵگای بە تایبەت ژەنا جە بەروو سیستموو دەوڵەتی .
- باوریدای بە جوانا و ئەرکداریا پەی دەستەبەر کەردەو ئایندەو وێشا .
جە درێژەو بابەتەکا کۆنگرەی جە لاو ئەنداما بەشدار بیەو کۆنگرەی سەرەڕاو هۆرچنیاو ئەنداما مەجلسوو پژاکی کە ١٦ کەسێ دەنیشان کریە ، هەر یۆ جە بەرێزا زیڵان ڤەژین و سیامەند مۆعینی جارێ تەر پسۆ هامسەرۆکا پژاکی هۆرچنیەوە . هەر پاسە کۆمسیۆنێ پەی رێکوستەی و پەرسایۆ جە پڵاننامەی دوە ساڵی ئایەندی جە لاو ئەنداماوە هۆرچنیا . پژاک جە راپۆرتوو کۆنگرەو وێشەنە بە دەسنیشانکەردەو ١٠ دە خاڵا پسۆ ئەنجامنانەی تەئیدش سەروو کۆشیای پەی ئازادی ڕابەر ئاپۆی ، ئەرەمەرزنایرەو کۆمەڵگایە ئازاد و دیموکراتیک ، مدرامان وەرانوەروو زهنیەتوو پیاساڵاری و ناوەندگەرایی ، بایخدای بە خەباتوو ژەنا و جوانا و یۆ گێرتەی لایانەکا چێروو چەترەو یەکیەتی نەتەوەئینە کەردەوە و یاوناش کە بە گرد جۆرێ پەی نزیک بییەیۆ لایانەکا هەنگامە منیۆ .
دماجار زیڵان ڤەژین دەس نیشانەش کەرد کە سەرکەوتەی هەر پەی ئێمەن و کۆشیای پەی ئازادی و یەکسانی بە باوەری بە درۆشمەو بژی سەرۆک ئاپۆ ، ژەنی ژیوای ئازادی ، ئەنجامەکەش سەرکەوتەیا .
لینک :
با تکوین ملت دموکراتیک بە سوی اتحاد دموکراتیک خلق‌های ایران
