زەینەب جەڵالیان زینانیەی سیاسیەو کوردی . ساڵەو ١٩٨٢ جە شاروو ماکووی سەر بە وەرکەوتوو کوردستانی ( ئێران ) جە ئەذا بیەنە . دماو ماوێوە جە خەبات و هەرمانێ رێکوستەی جە ساڵەو ٢٠٠٧ جە لاو هێزەکا سەر بە ئیدارەو ئیتڵاعاتوو ئێرانی جە کرماشان قۆڵبەس کریا . جە وەختوو گیریاشەنە بە شێوە دوور جە هۆرزوونیشتی ئینسانی ئەشکەنجەو بێ حۆرمەتی رۆحی و جەستەیی وەرانوەرشەنە کریان . دماو قۆڵبەس کەردەیش نامبریا بە بێ پارێزەو و پڕیایۆ جە پڵە یاسائیەکا ، جە دادگاو ئینقڵاب و جمهووری ئیسڵامی جە ئەرەنیشتێوە نافەرمی و چن دەیقەیی سزاو قەنارەدایش سەرەنە دریا . دماو چوار ساڵا جە مدرامان و زەینەب جەڵالیانێ جە وەرانوەروو سزا ناعادڵانەکە کە سەرشەنە دریابێ ، هەر پاسە بەرز کەردەیۆ دۆسیەو جە قەنارەدایش جە لاو رێکوزیە جیهانیەکا و ئازادیوازا کوردی جە دلێ و بەروو وەڵاتی جە وەرانوەروو کۆماروو جمهووری ئیسڵامی ئیرانی سزا نا عادڵانەکەش جە قەنارەدای واریا بە زینانی هەتا هەتائیی .
ئاژەو سڵامەتیش :
سێنزە ساڵێن زەینەب جەڵالیانە جە لاو دادگاو ئینقڵاب و کۆماروو ئیسڵامی ئیرانی و سپاو پاسدارانی جە خرابتەرین وەزعەو رۆحی و جەستەیی چێروو سەختەرین ئەشکەنجەکانە ژیوای بەرۆ سەر . پۆچی ژیوایش ئینا مەتەرسینەو و هە ئان ئەگەروو شەهید بیەیش هەن . هەر پاسە بە بۆنەو نەپەرسایەو وەرەپەرسا زینانی جە ئاژەو سڵامەتی زەینەبێ وینایس تا رادێوە فرە کز بیەن و چەمەکێش هۆکیمشا کەردەن . چی ئاخراوە بە بۆنەو کەمتەر خەمی وەرەپەرسا زینانی بە نەوەسی کرۆنای تووشە بێیێنە ، سەرەراو ئینەیچە ڕاو چارەسەری و دەواو دەرمانیش وەنە گێریەنە . سەرەراو بەردەوام بیەو ئەشکەنجەی رۆحی و جەستەئی کە ڕوانە جە وەرانوەرشەنە مڵۆ ڕاوە .
دۆسیەو زەینەب جەڵالیانێ :
سەروو زەینەب جەڵالیانێ سەرەراو هۆڵوو وکۆشیاو رێکوزیە جیهانیەکا پسۆ ئەمێنسێتی ئینترناشیۆناڵ ، نەتەوە یۆگێرتەکا ، پەرلەمانوو ئەرووپای و وەڵاتا ، کۆگاکا مافوو مرۆڤی جیهانی ، رێکوزیایەکا ئیران و کوردستانی ، و … هێشتا کۆماروو ئیسڵامی بەردەوام فشاروو وێش نەمدرنانوو و بە پێچەوانەوە فشارەکێ وێش سەروو زینانیا سیاسی فرەتەر کەردێنێ .
رۆ ٢٨ مانگەی ویەردێ بە بێ ئاگادار کەردەیۆ خانەوادەکەیش ، نامبریە واڕیەنێوە پەی زینانوو قەرچەکی وەرامینی و چی ئاڵووگۆرەنە تووشوو کرۆنای بێیەنە ، هەر پاسە جە پرۆسەو دەرمانی دوور وزیەنەوە و ژیوایش کەوتەن مەتەرسی بە پاو دماتەرین هەواڵەکا جە پەڵیانەو مافوو مرۆڤ و کوردستانی نامبریە شۆشەکێش تووشوو چڵکی بێیەنێ و ئاژەو سڵامەتیش تێکشیەن . سەروو ئی ئەساسەیە بە وەرچەم گێرتەو کەش و هەوایە ئەمنیەتی واستێنەشاوە پەی نەوەشخانەی . هەر پی بۆنەوە ئیمە پسۆ جەمێ جە چالاکا ژنا ، سیاسی، مەدەنی و کەسایەتییەکا وەرکەوتوو کوردستانی پەی سەروستەو دۆسیەو ئی زینانیە سیاسیە و سەرجەم زینانیە سیاسیەکا تەری ، ئی کەمپەینەما رێکوستەن . چێگەوە داوا جە گردوو لایانەکا مافوو مرۆڤی و رێکوزیا جیهانیەکا و کۆگاکا مەدەنی ، ئازادیوازا کەرمێ بە ساحێبداری جە چارەنووس و زەینەب جەڵالیانێ و سەرجەم زینانیەکا تەری ، هێز و تواناو وێشا وزا پاڵوو کەمپەینوو ئازادی پەی زەینەب جەڵالیانێ .
داواکاریەکا کەمپەینەکەی :
١- داواو ئازادی بە بێ شەرت و زەینەب جەلالیانێ کەرمێ.
٢- بە وەرچەم گێرتەو ئاژەو کرۆنای و تووشکەردەو زەینەب جەڵالیانێ و زینانیە سیاسیەکا تەری . یاگێ وێشەنە کە فشار وزیۆ سەروو جمهووری ئیسڵامی و دەسەڵاتداراش کە جە چوارچۆ رێکوزیا جیهانیەکا و هەر پاسە قەباڵەو جیهانی مافوو مرۆڤی ، گیان و زینانیا سیاسی پارێزنا .
٣- ئیی کەمپەینە داوا جە ٔ ئەمێنسێتی ئینترناشیۆناڵ ، نەتەوە یۆگێرتەکا ، پەرلەمانوو ئەرووپای و وەڵاتا ، کۆگاکا مافوو مرۆڤی جە جیهان ، ئێران و کوردستان و هام وەخت سەرجەم سەرجەم چالاکا سیاسی و مەدەنی و یاونای و میدیاکارا کەرۆ پەی ئازادی زەینەب جەڵالیانێ فشار وزا سەروو جمهووری ئیسڵامی ئێرانی .
٤- کەمپەینەکە داواو هەمیاری و پەشتگێرتەو و رێکوزستەی ئا چالاکیا کەرا کە ملا ڕانە و ریکێوزیا . چالاکی و وێنیشاندانەکێ جە وەڵاتەکانە جە وەرانوەروو سەفارەتوو ئیرانی و یاگاکەکا سەربە رژیمی رێکوزیا .
٥- گرد کەس تاوە دیمەن ، نویستەی و هەوالێ سەروو ئازادی زەینەب جەڵالیانێ پەی ئی کەمپەینەیە کیانۆ.
٦- کەمپەین داوا کەرۆ مافنامەو دیجیتاڵی جە پەڵە ئنترنێتیەکانە پەی ئازادی زەینەب جەڵالیانێ ئیمزا کریۆ . ئی مافنامە پەی ئەمێنسێتی ئینترناشیۆناڵ ، نەتەوە یۆگێرتەکا ، پەرلەمانوو ئەرووپای و وەڵاتا و کۆگاکا مافوو مرۆڤی و یاگە ئەرکدارەکا کیانیۆ .
“کەمپەینوو ئازادی پەی زەینەب جەلالیانێ”
#FreedomForZeynabJalalian
SIGN THE PETITION: https://rb.gy/np2hnq
E-Mail: freedomforzeynabjalalian@gmail.com
Facebook: https://m.facebook.com/Freedom-For-Zeynab-Jalalian-100533868370269/?ref=bookmarks
Instagram: https://www.instagram.com/freedomforzeynabjalaliann?r=nametag
Twitter
