وەختێ کە داعش جە ٣ ئاب و ٢٠١٤ هێرشش بەرد سەرو و شەنگاڵی یۆ چا گریڵایا کە پەێ رزگاری و پارێزناو خەلکوو ئێزئیدی وێش یاونا شەنگاڵ هێرش هۆەامان بێ .
هۆرامان سەروو مدرامان و گریڵای و کوشتەو چەتەکا داعشی پێسە باس کەرۆ . هێرش باس و ئانەی کەرۆ کە وەختێ مووسڵ جە لاو داعشیوە گیریا ، هەپەگە ( هێزوو پارێزناو گەلی ) جە زووتەرین وەختەنە بڕیاروو کیانوو تیمێ تایبەتیش پەێ سەرو وار کەردەو ئاژەو ئێزئیدیا و شەنگاڵی دا . سەرو ئا بڕیارێ یۆ چا گیڵایا کە لوا و بەشدار بی من بینا . من وەلتەر شەنگاڵم هەرگیز نەدیەبێ و مەنتێقەکەی خاس نەژناسێنمێ . شەنگاڵەنە هیچ و هێزێوە پەێ بەرگیری نەمەنە بێ . گرد ڕەمێبێنێ ئێمەیچ تەنیا روە شەنگاڵی لوێنمێ . ئانە کە ئێمە دیما هیج وەختێ ویرمەنە مەشۆ . خەلکی گرد ناراحەتێ بێنی ، تەنیا ڕەماڕەمێنێ . وەختێ باسوو ئانەی کەرێنی کە پێشمەرگە چەنیشا راس نەبیەنێ و تەنیاشا ئاستێنی یاگێ داخێ بێ . بە ژنیەو ئی قسا ، توورەیی جە دلێ ئیمەنە دابێش بەر . وەختێ ئاژەو شیویاو خەلکیما دی ، ئەرکوو وێما زیاتەر پەێما بەرکەوت .
همه‌گرد چەمەروانێ گریڵای بێنێ :
گریڵا هێرش جە درێژەو قسەکاشەنە باسوو ئانەی کەرۆ ، کە نە خەلکوو ئێزئیدی ئێمە خاس ئەژناسێنێ نە ئێمە ئاشنائیە پاسەما سەروو شەنگاڵی و خەلکەکەیش بێ ، بەلام وەختێ ئیمەشا دیەمێ و زاناشا گریڵا پەێ چ ئەرکی ئامێنێ ، جارێ تەر ئۆمێد جە چەماشانە وینینی . ساحێبداری گریڵای جە خەلکێوە کە ئۆمێدش چەنە بریابێ و هیچ کەسی بە پەشت و پەناو وێش نەزانا گەورەتەرین هەڵوێست بێ . گریڵا جە وەختێنێ کە گردوو جیهانی جە وەرانوەروو کۆمکوشتەو ئیزئیدیکاوە چەمێش قووجنێبێنێ . گریڵا وێش یاونا شەنگاڵ و بە هەزاران خەلکش جە هێرش و وەحشیانەوە داعشی پاراست . جیهان بە چەماو وێش دیش کە گریڵا هێزوو پارێزناو گەلەکەیشا . راسی کۆشیای و ئامانجەکا گریڵای فرەتەر بەر کەوت .
شەنگاڵەنە هەنگامێ تازی نریە .
هیرش هۆرامان جە درێژەو قسەکاشەنە باسوو ئانەی کەرۆ کە سەرەراو پارێزناو خەلکی ، گریڵا هام وەخت خەلکی ریک وزێ و پەنەشا یاونێ . گریڵا هیواش بەخشاوە خلکێوە کە هیچ هیوێوەش بە ژیوای نەمەنەبێ . ئیسە شەنگاڵ پەێ وێش هێزوو پارێزناو وێش هەن .( یەبەشە و یەبەشە .ژ ئاسایش و وێش هەنش ) ئینە بە ئاسانی بە دەس نۆمان . وەختێ گەلێ وێش ریکوزۆ پا ماناینە کە ئی گەلە ئۆمێدش بە دماڕۆ وێش هەن . ئارۆ ئێزئیدیەکێ ئینە جە ئاژێوە پاسنەینە .
هۆرامان جە درێژەنە باسو ئانەی کەرۆ کە شەنگاڵ ئیتر ، شەنگاڵ و وەلێ ٣ و ئاب و ٢٠١٤ نیا ، ئیسە ساحێب و ئیرادە و رێکوستەو وێشانێ . گەلوو ئێزئیدی ئیسە وێشا بەرا راوە . ئینە پا مانایە نیا کە ئیتر خەتەری سەرشاوە نەمەن . هێرشە تازەکا تورکیەی بە فرۆکە و شەهید کەردەو سەرکردەکا گەلوو ئێزئیدی نیشانێ درێژەو پیڵانگێڵنایا سەرشاوە . ئێمەیچ پسۆ گریڵای پارێزناو گەلەکەیما بە ئەرکوو وێما زانمی . چی ڕینە سۆزما دان کە گیانوو وێچما بەخت کەرمێ . ئیتر مەبۆ جارێ تەر کۆمکوشتەی سەروو شەنگاڵیەکارە وینمێ . تاریخ و ئێزئیدیا ئیتر وێشا منویساسۆ . پەێ ئا ئامانجێچە ئێمە چێش دەسمانە بۆ دەریغ نمەکەرمێ .
