یەرەکە ( یەکینەکا وەرکەوتوو کوردستانی ) جە وەلاکەردەوێوە یاوناش کە بە بۆنەو بۆمبەوارانوو هەرێمەکا شارباژێری و ئاسۆسی جە لاو هیزە ئاسمانیەکا دەۆڵەتوو فاشیستوو تورکیەی ٧ گریڵێ یەرەکەی و دوێ وەڵاتپارێزێ خەلکوو پانیشتوو کوردستانی شەهیدی بیەنێ . یەرەکە یاونانس کە ئا هێرشێ بە هەمکاری هێزە سیخۆرەکا پانیشتوو کوردستانی روەش دەێنە .
یەرەکە دەس نیسانش کەردەن کە یۆهەمین هێرش جە رۆ ٢٤ مانگێ جە دەگاو گەڵاڵەی جە هەرێموو ئاسۆسی ئەنجام دریان ، کە زەرەرێ فرە دریان ئەو باخ و باخاتوو خەلکی . هەر پاسە جە هێرشی دوەمین کە ٧ مانگەو ٨ی ئەنجامدریان هێرش کریان سەروو کەشوو “باڵۆسە”ـیان ، کە جە ئامانجوو ئی هێرشەیە ٧ هەڤاڵی یەرەکەی شەهیدێ بیەنێ . یەرەکە یاونانش کە ئامانجوو هێرەکا تورکیەی زەربەدایا ئۆ خەباتو پژاک و گریڵای جە وەرکەوتوو کوردستانی . چوون ئا یاگێ کە ئیسە و وەڵتەر کریەنی ئامانج جگە جە گریڵایەکا یەرەکەی و پژاکی هیج هیزێوە تەرسا نیەنێ چەنە .
دماجار فرماندەو یەرەکەی ئاشکراش کەرد کە جە زووتەرین وەختەنە نامی ئا سەهیدا پێ ڕاو گردی ئاسکرا کەرمی . هەر پاسە بە گرد لایە یاونمێ کە ئی هێرشێ بە هەمیاری هێزە سیخۆرەکا پانیشتوو کوردستانی ئەنجام دریان و جە وەرانوەروو ئا کەس و لایاناوە بێ دەنگێ نمەبیمێ و جوابێ تایبەتما بۆ .
