بە ئامانجوو پشتیوانی جە سیستموو ڕاوەبەری ئیزئیدەیەکا گڵێرەبیەوە جە لاو کۆگاو باوەری و شناسە جیاکا مێزۆپۆتامیای بە شێوەو ئان لاینی لوا ڕاوە .
ڕۆ پەنجشەممەی ٢٦ نۆڤامبروو ٢٠٢٠ بە ئامادەکاری کەجەدەو ئەرووپای ( کۆما جڤاکا کوردستان – ئەرووپا ) بە ئامادە بیەو نوێنەروو باوەری و شناسە جیاوازەکا مێزۆپۆتامیای گڵێرەبیەوەشا بەرد ڕاوە . گڵێربیەکە جە ڕاو ئینترنێتی ( ئان لاین ) بە ئامانجوو پشتیوانی جە خەلکوو شەنگاڵی و سیتموو وێراوەبەری ئیزیدخانی جە ووەرانوەروو مەتەرسیەکا سەریشا کە جە لاو پارتو دیموکرات و کوردستانو عێراقی دەۆڵەتوو عێراقی ئامێنی وەرۆ .
شەنگاڵ خەتەی سوورەنە :+
جە گڵڕەبیەکەنە هەر یۆ جە نوێنەروو کوردە فێڵیەکا ، یارسان ، ئێزئیدی ، ئاشووری ، مسلمان ، عەڵەوی و هۆرامیەکا پێلوا وێشا سەروو پیڵانێوە کە مەتەرسی کۆمکۆشتێوە تەر سەروو ئیزئیدیەکا فرە کەرۆ وست وەروو باسی . بە گردی گردوو لایانەکا دژوو هەر شێوە ناکۆکی و جەنگێ وە تەر جە بەینوو کوردا بێنێ و داواشا کەردە گردوو لایانەکا بە تایبەت پارتی و پەکەکە سیاسەتوو دیاڵۆگوو و گۆفتمانی وەرچەم گێرا .
جە درێژەنە نوێنەروو پڵاتفۆرموو هۆرام-ی پیڵانەو هێرش پێ سەروو شەنگاڵی و ئیزئیدیەکاش بە پڵانەو تورکیەی پێ سریەیۆ شناس و باوەری کۆنوو کوردا و تێکداو سیستموو وێڕاوەبەری ئێئیزیدیەکا زانا و داواش کەردە کە گردوو لایانەکا ئی هەنگامێ پارتی شەرمەزارکەراو و پستیوانی وێش پێ سیستموو وێراوەبەری شەنگاڵی بە گرد شێوە نیشانەدا .
زەردەشت هۆرامی بە ئیشارە پانەیە کە هەر هێرشێ سەروو وێڕاوەبەری شەنگاڵی بە ماناو بە بنەما نەگێرتەو ئیرادە ، مدرامان و کۆشیاو رۆڵەکا شەنگاڵین جە وەرانوەروو هێزە داگیرکەراوەە . هەر پاسە پەیامێن بە گردوو باوەریەکا و شناسەکا مێزۆپۆتامیای کە ئەگر بێو جە دماڕۆنە جە بەروو سیستموو داگیرکارا و هەر پاسە دەسەڵاتوازا کوردی داواو مافەکا وێشا کەرا ، مەتەرسی کۆمکۆشتەی و هێرش پێ سەریشا هەن . هەر چەنی ئیسە جە باشوورەنە هۆرامیەکێ ، فێڵیەکێ و یارسانەکێ جە مافە سەرەتائیەکاشا بێ بەشێنێ ، سەوای جە ئەگەر بە هێز بیەو دەسەڵاتدارا هەرێموو و دەۆڵەتوو عێراقی پێش هەن بە گرد شێوە دژایەتی کریا .
پۆچی پشتیوانی کەردەی جە داواکاری ئێزئیدیا ، داواکاریا جە مافە ئینسانیەکا و وێڕاوەبەری خەتەی سوورەنە پێ گردلایە . ئێمە باورما ئانەن کە ڕاو ئازادی گەڵا و شناسەکا مێزۆپۆتامیای جە شەنگاڵەنە یاوۆ بە ئامانج . یاگێ باسینە کە سەروو داواو تورکیەی ، پارتی و دەۆڵەتوو عێراقی بە رێکەتەی یەک لایانە ، بە بێ گێڵایۆ پێ ئیرادەو خەلکوو شەنگاڵی ، هێزی سەروازی هام بەششا پێ هێرش کەردەی پێ سەروو شەنگاڵی ئامادە کەردەنوو ، هەر ئان چانەی مشۆ کۆمکۆشتێوە تەر بێ سەروو ئێزئیدیەکارە .
