جە پاوە ، مەریوان و سنە یانەو ژەناو هەورامانی ( یەرەژە ) بە دروشمەو “نیشتمانما چنی باڵاو زاگرۆسی زەریفا”، بەشداریش جە هەڵمەتەو زاگرۆسانەی کەرد کە ئامانجش سەرسەوزکەردەی کوردستانی و هۆرامانی و ژیوگەپارێزنایەن.
ڕوەکا یەرەشەمی جە پاوە و سنە و هەر پاسە پەنج شەممە، جە شارو مەریوانی ڕێکوزیاو یانەو ژەناو هۆرامانی ( یەرژە ) بەشداریش کەرد جە هەڵمەتەو ژیوگەپارێزنای “زاگرۆسانە”ی کە ژمارێوی تەرێ جە ڕێکوزیا مەدەنیێ و ژیوگەپارێزەکێ پاوە و سنە و مەریوانی ئامادێش بێنێ. چی هەڵمەتێنە جە پاوە جە ڕاگای جە هامنە هەوارو ویمیری ، جە سنە جە کەشوو ئاویەرئ و جە مەریوان دارستانوو پەشتەو تەپەو مووسکی بە دەسو ڕۆڵەکێ نیشتمانی بە نەمامێ و بەلوێ نریە.
پڕۆژو زاگرۆسانەی کە وێش جە نەما نیای جە کەش و کۆکێ کوردستان، لوڕستان و هۆرامانی و پارێزنای و سەرسەوزکەردەی ژیوگەی مەوینۆنەوە و زیاتەر جە ٣ ساڵێن بەردەوامەیش هەن و تا ئیسە هەزاران هکتارێ جە دارستانێ و چۆڵەانیەکێ کەش و کۆوەکێ زاگرۆسی بە نیای نەمامێ جۆراوجۆرێ و بەلولێ سەرسەوزێ کریێنێوە و هەڵمەتەکێچ بەبێ مدرای بەشدرای دەیان ڕێکوزیێ ژیوگەپارێزێ و سەدان چالاکوانێ ژیوگەدۆستێ بەردەوامیش هەن.
:
جە بەردەوامی پڕۆژو زاگرۆسانەی کە وێش جە نەما نیای جە کەش و کۆکێ کوردستان، لوڕستان و هەورامانی و پارێزنای و سەرسەوزکەردەی ژیوگەی مەوینۆنەوە، بە بەشداری چەنڎین ڕێکوزیێ مەدەنیێ و ژیوگەدۆسێ و هەرپاسە یانەو ژەناو هەورامانی، بریاڕاوە.
ج
