جە دماو یەک ساڵ و نیم جە پەیجۆری و شۆنیرە لوای جە لاو فەرهەنگ دۆسا کوردیوە جە پارێزگاو کرماشانی ئارۆ شاروو داڵاهووی ( ٣٦ هەزارێ خەلکش چەنە ژیوۆ ) جە لاو سازمانوو میراسی فەرهەنگی ئێرانی پسۆ پایتەخت و تنبوور ئیرانی سەبت کریا . ئی هەنگامێ یۆهەمین پڵێنە پێ ئانەیە کە جە ئایندەنە پسۆ پایتەخت و تنبووری جیهانی جە لاو یۆنسکۆی سەبت کریۆ . ئانە کە ئاڕۆ فرەو شارەزایا ساز و مووزئیکی چەنی ئی هۆرچنیایە نیەنی ئانەن ، کە سەرەرا هۆرچنیاۆ داڵاهووی پسۆ پایتەختوو تەنبوورو ئێرانی ، مشۆم ئانەیچشا پەنە ئیزافە کەردێ کە داڵاهوو پسۆ پایتەختوو تەنبووری و ژەنیەرا تەنبووری نامێش ئامێ .
تنبوور پسۆ سازێوە کۆنوو زاگرۆس نشینا کە ویەردەکەش پێ سەردەموو میترائیزمی گێڵۆوە ، بە جۆرێ کە بەشێ نەبڕیان جە فەرهەنگوو هەرێموو یارسانی . پارێزنگاو کرماشانی یۆهەمین هارێموو ئیرانی و وەرکەوتوو دڵێراسەین کە بە بیەو زیاتەر جە ٤٢٠٠ ئاسەوارێ کۆنێ شناسنامەێوە تایبەتش پێ تاریخوو کوردی و زاگرۆسی دەس وستەن .
یاگێ باسینە کە سازوو تەنبووری جە ١٣ تا ١٤ پەردا کە دەسەکەش جە داروو وەزێ و کاسەکەش جە داروو تفێن وەش کریۆ . ساڵانە نزیکەو ١٥ هەزار تەنبوورێ جە شارەکا داڵاهوو و شائابادی وەشێ کریا .
