یووەمین کۊنفڕانسوو ئاسایشوو ئێزدخان-ینە، ڕێکوزیایەکا و ئیدارەو ویڕاوەبەریی شنگالی پەشتیوانی و هامکاریی وێشا پەی هێزەکاو پارێزنای شنگالی بەر وست ئەرەیاوناش “ئی کۊنفرانسە جوابوو پیلان و سیاسەتە چەپەڵەکا دژوو شنگالی مدۊوە”.
جە شەنگالنە، یووەم کۊنفرانسوو ئاسایشوو ئێزدخان-ینە بە دروشمی “ئۊتۊنۊمیی شەنگالی جە بەقووەتکەرڎەی ئاسایشوو ئێزدینە زیادتەر ملۊ”، بە پەیاموو خەبات دژوو ڕێککەوتەی ۹و تشرینی یووەمی، فراوانکەرڎەی هێزوو ئاسایشوو ئێزیدی و مسۊگەرکەرڎەی شەنگالیی سەربەوۍ و ئازاڎی، خەبات دژوو خەتەو خیانەتی و ئاسایشی دماییش ئاما.
جە کۊنفڕانسەکەدا، ئا پەیام و خاڵۍ، کە سەرەکیێنۍ وزیۍ ڕووە، کە وێشا جە بەقووەتکەرڎەی ئاسایشوو ئێزدخان-ینە خانی و ناڕەزایەتى وەراوەروو ئا فەرمانا و بەقووەتکەرڎەی ئاسایشوو ئێزدی و بەقووەتکەرڎەی ئیدارەو وێڕاوەبەریی شەنگالی”نە ویناوە.
ئاماژە پانەیچ کریا، ئی کۊنفرانسە بە ئامانجی گرنگ ملۊ ڕاوە، کە ئامانجی سەرەکییش بەقووەتکەرڎەی و فراوانکەرڎەی هێزوو پارێزنای وێشا. وەروو ئی هۊکارا ئەرەئارڎەی و تایبەتمەندیی هێزوو ئاسایشوو ئێزدخان-ینە پێسە قەرارێوە ستراتیژی و ئامانجوو کۊنفرانسەکەی بەر کەوت.
کۊنفڕانسەکەنە ڕاپۊرتەو ئاسایشوو ئێزدخان ونیاوە، دلێشنە بارودۊخی سیاسی و سەروازی ور سەنگیا و جەخت جە گرنگیی پارێزنای جەوهەری جە وێش کریا، جە چوارچوەو “وێت جە فەرمانەکۍ پارێزنە.” حەرپاسە هەرمانەو هێزەکاو ئاسایشوو ئێزدیخانی پەی پارێزنای گلێرگەی و ئاسایشوو دلۍ، بە شێوێوە وەرفراوان چەنی پێکئاماو کۊنفرانسەکەینە هامبەش بۍ.
“پەرسەی حەرە سەرەکییە پەی ئێزدییەکا وێپارێزناین”
پەیامی گرنگ جە کۊنفرانسەکەنە بە نامی یەبەشەی و یەژەشەی و تاژۍ و جمیەروو گەنجا و فەرمانڎەیی ئاسایشوو ئێزدخان-ینە پێشکەش کریا، بە نامۍ فەرمانڎەیی یەبەشەیۊ، هێزوو شەنگالی ئەرەیاونیا: کۊنفرانسەکە بە هەرمانەو سەدان گەشمەرڎا ڕێک وزیان، ئینە بۊ بە ئامرازێوە پەی پارێزنای گلێرگەی ئێزیدی جە دماتەرنە. پەی گلێرگەی ئێزیدی، پارێزنای گرنگتەرین پەرسەنە. جە ساڵەو 2016 یۊ، ئاسایشوو ئێزیدییەکا هەرمانەی قورسەشا سەروو شانەیۊ بیێنە.
واتیچش: گلێرگەی ئێزدی سەروو فیکروو ڕابەر “عەبدوڵا ئۊجالان”ی جە دلێنەشیەی وێش پارێزنان و ێش بنیات نیان، پەوکای ئێمە قەناعەتما هەن، کە سەروو ئا فکرەیە متاومۍ دەستکەوتی گەورە بەدەس بارمۍ.
سارا شەنگالی-یە بە نامۍ یۊبییەی گەنجاو ئێزیدی و یۊبییەی ژەنە گەنجاو شەنگال-یوە واتش: گلێرگەی ئێزیدی جە تاریخنە دایم وەرهەڵێسییش کەرڎەن، وەلێم حەرگیز هێزێوە وەرگێرییش جە وێش نەمەرزنانرە، وەلۍ ئیساتۍ ئی دەسەڵاتە سەروو فکرەو ڕابەر ئۊجالانی بنیات نریان. ئیساتۍ چندین پلانۍ و سیاسەتۍ جە گلێرگەو ئێمەنە جابەجا کریا، پەوکای ئی کۊنفرانسە گرنگا و ماناش هەنە. پێسە گەنجاو ئێزیدی، تا دمادمایی هێزوو وەرگێریما زیاد کەرمۍ. ئی کۊنفرانسە جوابۍ بەقووەتا دژوو دوژمنەکا، کە حەرگیز مەتاوا هێزوو پاریزنایما ماڕا.
