هیزی ١/٨/٢٠٢٣ وەڵاتو بەریتانیای قڕ-کوشتارو یەزیدیەکاش بە فەرمی ئەژناسا هەکە کەردەوێوە جینۆسایدین و بە مەبەستو دلیٛنەبەردەی گیریانەنە وەر دژو ئا مەردمیە کە ئاینشا یەزیدیبیەن جە شارو شەنگالی پاریٛزگاو نەینەوای-موسڵی کە جەلاو داعشیوە ئەنجامدریان.
وەڵاتو بەریتانیای دڎانش نیا قڕکەردەی یەزیدیەکارە پیٛسەو کەردەوەو جینوسایدی. هیزی ١/٨/٢٠٢٣ وەڵاتو بەریتانیای قڕ-کوشتارو یەزیدیەکاش بە فەرمی ئەژناسا هەکە کەردەوێوە جینۆسایدین و بە مەبەستو دلیٛنەبەردەی گیریانەنە وەر دژو ئا مەردمیە کە ئاینشا یەزیدیبیەن جە شارو شەنگالی پاریٛزگاو نەینەوای-موسڵی کە جەلاو داعشیوە ئەنجامدریان. ساڵەو پاریچ وەڵاتو ئەڵمانیای و وەلتەریچ وەڵاتو هوٙڵەندی کوشتارو یەزیدیەکاشا بە جینوٙ ساید نیانرە، هەرپاسە نەتبە یوٙگیٛرتەکیٛ و یەکیەتی وەڵاتانو ئەوروپای ئی کوشتارشا بە جینۆساید ئەژمار کەردەن دماو وەنە قومیاشا.
قڕکەردەی یەزیدیەکا جە ویەرو تاریخینە یاوان حەفتاو چوار جاریٛ، دماجارشا ساڵەو ٣/٨/٢٠٢٤ بیٛ کە سەوای ساڵیادشەن، نوٙساڵیٛ چیٛوەڵی بیەن، جە لاو داعشیوە بەهامکاری بڕێ لایەنی تەری هەمدیسان جینوٙسایدکریێ، چی هەڵمەتەو قڕکەردینە زیاتەر جە ٦٠٠٠ شش هەزار کەسیٛ زیندە بەچاڵیٛ کریێ، یام کوشیێ، یام ئەرفانیێ بەتایبەت کناچە و ژەنەکیٛشا، کوڕیٛ و پیێ گردشا کوشتیٛ یام وستیٛشا چاڵەی قوڵەو بەخاک پوٙژنێشارە، تا ئیسەیچ نزیکەو ٢٠٠٠ هەزاریٛ ژەنی یەزیدییٛ بیٛ سەرو شوٙنەنیٛ کە پیٛسەو دەسکەوتیٛ بەردیٛنیٛشا، هەرپاسە هەڵای فرێوە جە یەزیدیەکا نەگیٛڵێنیٛوە سەرو ماواو مەسکەنو ویٛشا، ئاواریٛنیٛ، زیاتەر جە ١٢٠٠٠٠ سەدو ویس هەزارا سەرەو ویٛشا هوٙرگیٛرتەن ڕووە هەندەرانی.
ئی هەوالمە پەوچی زاق کەردەنوە وەرو ئانەی بپەرسو وەشڵەی چی هەڵای ئی گرد کوشتارو قڕکەردەیە مەیوٙ ملو (کورد) یرە هەڵای هیچ وەڵاتێ دڎانش نەنیان پوٙرە. کورە بوٙ سەرەت نەماسوٙ تا خایتێ پەرلەمان کڵیٛس بیەکەو ویٛچشا هەر دڎانش نەنیان پوٙرە. من خاس نونگەکەیش مزانو، چون کورد ویٛش بەشدارەن جە ویٛقڕکەردەکەیش، هەر جە کیماوارن و ئەنفال… تا میاووٙ جینوسایدو یەزییەکا. ئەگەر بدریوٙ دادگا مشوٙ هەمدیسان حەیاشا بشوٙ و ویٛچشا دادگایی بکەرانیٛ بکوشاشا، پەوکای هەر تەقەلا مدانیٛ ویٛرو ویٛشا و خەڵکیش ببەرانیٛوە. با ئانەیچ بزانمیٛ ئەگەر یەزیدیەکیٛ ویٛشا پیٛسەو کوردی دێقەڵەم سەرو ئاستو جەهانی پیٛسەو کوردی وزیٛنیٛشا پەشتەو کەنوٙڵا، نونگەش ئانەن ویٛشا پسەو ئەتنیکێ ئاینی هەر پاسە غەیرە کورد دان قەڵەم.
