فەرمانڎەیی گرڎی یەبەشەی بۊنەو ساڵیاڎو قڕکەرڎەی ٣ ۍ ئابو ٢٠١٤یۊ، ئەرەیاۋنېوە نۋیسیاش ۋەڵاکەرڎۊ.
جە ئەرەیاۋناکەو یەبەشەینە ئامان:
“چەتەکۍ داعشی جە ٣ ۍ ئابو ٢٠١٤ ینە دژبە گەلەکەیما قڕکەرڎەیشا ئەنجامدا، جە نۆەمین ساڵوەگېڵ و ئی قڕکەرڎەینە. بە ڕێز و ئیحترامۊ، یاڎو گرڎوو گەشمەرڎە فیڎاکارەکا کەرمېوە کە جە گرڎو بەشەکا وڵاتی و جەهانیۊ ئامۍ و پەی پارېزنای ئی خاکە مبارەکیە گیانو ۋېشا بەخشا. پەی بەدیئاماو ۋەرمو گەشمەرڎا، وەعدو بەدیئارڎەو ژیایۍ ئازاڎیی واوەی کەرمۍ. پی وەعدۊ، کۊشیای فەرمانڎە گۊرەکاما مام زەکی و گەشمەرڎە بەرخۆدان و گەشمەرڎە زەردەشت و گەشمەرڎە سەعیدی و گەشمەرڎە دژواری و گەشمەرڎە نازێ و گەشمەرڎە بێریڤانۍ و گەشمەرڎە چیکۆیانی بەقوەتتەر کەرمۍ.
ئانۍ دەمو بانگەوازەکەیماوە ئامۍ، تەنیا میلیتانە فیداکارەکۍ ڕابەر ئاپۆی بېنۍ
جە فەرمانەو ٣ ۍ ئابو ٢٠١٤ینە، بە ئیراڎە و کۆشش و قوربانیدایۊ پەی پارېزنای خاکە پیرۆزەکەیما، کۊشیای ڕزگاریما دەسپنەکەرڎ یەبەشە و یەژەشەمان ئەرەمەرزنۍ و ڕێکماوستۍ. بە سەرمەشقی فەرماندە گۊرۍ و نەمرەکاما، مام زەکی و عەگید جیڤیان و دڵشێر هەرکۆڵ و بەرخۆدان و زەردەشت و سەعید و دژواری، تۊمو یۋەمین کۊشیای ڕزگاریما جە خاکەکەمانە نیا. چا ڕۋەنە، جە دژوارتەرین ئاژەنە، سەختتەرین کۊشیایما ڕاوەبەرکەرڎ، ئانۍ ئامۍ پېوای بانگەوازی و هامکاریماوە، میلیتانە فیداکارەکۍ ڕابەر ئاپۆی بېنۍ.
چا ڕۋانە یاۋایمېنە، مەڵامەتو ئەساسی ئېشو و مەینەتییەکاما نەبیەی ڕێکوستەی ڕیزەکاما بۍ، قسەکۍ ڕابەر ئاپۆی ئاژەو ئێمەش بەرجەسە کەرڎ، وەختۍ ماچۊ “ئا گەلەی پەشتی مەبەسۊ بە ۋېپارېزنای جەوهەری، ڕووبەڕوو دلېنەشیەی و ئەسڕیەیۊ بۊوە”. ئی دیاردە بۊ بە بوارو ژیای پۍ گلېرگەی ئێزدیما، سەرو ئی بناغەیە، ئێمە قەرزارۍ ئا فیداکارانمۍ کە گیانو ۋېشا بەخشا بۊنۊو ئێمۊ. ئارۊ، وەختێک ئێمە سەرو ئی خاکە مبارەکەیۊ ۋېڕاگرېنمۍ، جە سایەو ئا فیداکارانە کە بە هزرو ڕابەر ئاپۆی ۋېشا گۆشکەرڎ و گیانشا بەخشا پەی ژیایۍ ئازاڎی. پی مانۍ ئێمە پېسە یەبەشەی، کە سەرو بناغەو هزر و پەیلواکا ڕابەر ئاپۆی ۋېما ڕێکوستەن، بە ڕێز و سوپاسۊ، یاڎو گرڎو گەشمەرڎا هەپەگەی و یەژاستاری و یەپەگەی و یەپەژەی کەرمېوە، حۊڵەکاشا پەی کۊشیای ڕزگاریوازیما بۊ بە هێزو سەرکۊتەی کۊشیایما.
دماو ٩ ساڵا، هەڵای پیلانە و گەمە قێزەونەکۍ بەرڎەوامێنێ
پێسە مزانیۊ، ئامانجیشا جە ئەمرەو ٣ ئابوو ٢٠١٤ دلێنەبەرڎەی گلێرگەکەیما بۍ، دلێنەبەرڎەی باوڕ و ئایین و مەبارەکی و ئیرادە و شکۊما، تا حەزوو ژیوای ئازادیما دلێنە بەرا، بە نائەخلاقیی گولانەو وچکلە و گەورەو ئێمەشا کوشت، هەزاران کناچۍ ئێمەشا ئڕفانۍ و بازاڕەکانە ورەتێشا، تا ئیساتۍ چارەنویسوو هەزاران هاموەڵاتێما دیارۍ نییەنۍ، وەرپەرسی سەرەکیی ئی ئەمرۍ، دەوڵەتی فاشیستوو تورک و پەدەکەی هامکارشنۍ، سەروو دەسوو چەتەکاو داعشیوە ئی ئەمرێشا کەرڎە. ئانۍ بەحیساب پارێزنەرۍ گلێرگەکەی بێنۍ، ورئامۍ و گلێرگەکەشا دا دەسوو ئەمرەکێوە. ئانۍ ڕووبەڕووۍ ئی ئێش و ئازارەیشا کەرڎیمێوە، ئارۊ گەرەکشانە ئا بەهایا دلێنە بەرا کە بە ونی و کۊششوو هەزاران گەشمەرڎا و ئیرادەی ئازادما وەش بی. ئانە ٩ ساڵۍ ویەرڎ، هەڵای بە پیلانە و گەمەی قێزەون گەرەکشانە پرۊژەکاشا بیاونا یاگۍ. جێبەجۍ بکەن. هامپەیمانی ٩ تشرینوو یوەمی، بەینوو دەوڵەتوو تورکی و پەدەکەی و کازمیینە، سەبارەت بە ڕێککەوتەی هەولێری و بەغدای، خاستەرین نموونەن پەی ئی پیلانە قێزەونا. پی هەڵوێستەیچە هجووم کەرا سەروو ئیرادەی ئازادوو جڤاکەکەیما، ئەمرەی تازۍ یاونا یاگۍ، پەدەکە گەورەتەرین شەرمش ملوو وێشەرە ئارڎ و مەیدانەکەش چۊڵ کەرڎ، ئیساتۍ جە گرڎ لێوە زیاتر بەشداریی ئی پیلان و گەمە قێزەونانە، تاکە چێوۍ پەدەکە بتاوۊ کەرۊش پەی ویەرنای ئی شەرم و ئاوڕووشییەیە، داواو چنەویەرڎەیکەرڎەین جە خەڵکی جە جڤاکی ئێزدی و وازئارڎەی چا هەماهەنگییە قێزەونەیشا چەنی دەوڵەتوو تورکی.
ئەگەر هامپەیمانی قەوەتتەر نەکریۊ، کۊکوشی گەورەتەر ڕووە مڎۊ
ئامانج جە هجووموو سەروو جڤاکەکەیمان جە ڕاو دەوڵەتی فاشیست و ستەمکاروو تورکی و پەدەکەی هامکاریش، بەتەنیا جڤاکەکەمان نییا، بەڵکوم ئامانجەکە ئەرەگیریی گرڎوو خاکوو عێراقی و کورڎسانین، دووبارە سنووری میساقی میللی سەپنیۊ، گەرەکشانە گرڎوو پێکئامایەکا خاکەکەیشانە دوورۍ وزاوە و نزیکتەرین وەختنە وەرموو گێرتەی هەرێمەکەی بارا دی. چێگەوە پەنەوازا گرڎوو نەتەوە و گلێرگەکا هەرێمەکەی درک پی ڕاسییە کەرا و بە هۊشیاری و وێگێریوە دژوو هجوومەکا مرڎاوە، ئەگەر پێکئاما و جڤاکەکاو هەرێمەکەی هاوپەیمانیێوە قەوەت وەش نەکەرا، گرڎ ڕوۍ کۊکوشیی گەورەتەر ڕووە مدۊ.
وەراوەروو ئی هجووم و کۊکوشییانە، تا ئیساتۍ، پێسە یەبەشە و جڤاکەکەیما، هەزاران قوربانیێما دێنۍ تا شەنگال بە ئارامی و ئازادی بژیوۊ. کۊشیای ئی گەشمەرڎە گەورا گرڎ ڕوۍ بەرش وزۊ، کە ئێمە جە گرڎ وەختۍ زیادتەر ئامادێنمۍ پەی پارێزنای خاکوو شەنگالی و عێراقی و گرڎوو پێکئامایەکاو هەرێمەکەی. پەی ئی ئامانجیچە،گرڎ قوربانیێوە مدەیمۍ و گرڎ ئاستێوەنە کۊشیەیمۍ. پێسە چەنی گەشمەرڎەکێما ڕۊحوو وێشا کەرڎ بە قەڵغان و ناستشا خاکوو هەرێمەکەی ئەرەگیر کریۊ. ئێمەیچ لاو وێماوە بە هەمان ڕۊحوو فیداکاری و کۊشیایۊ ئارۊ ڕا بە ئەرەگیرکاری مەدەیمۍ. ئێمە پێسە یەبەشە، جڤاکەکەیما پارێزنمۍ، چەنی جڤاکەکەیما گرڎوو پڕۊژە و گەمە قێزەونەکاو هێزوو ئەرەگیرا پووچەڵۍ کەرمێوە، وەرمەکاو دوژمنی منیەیمۍ چاڵی، ئانۍ پاسە مزانا وەراوەروو ئی هجوومە قێزەوناوە پاشەکشە کەرمۍ، مشۊم ئانەیە خاس بزانا، کە تووڕەییما ڕۊبەڕۊ زیاد کەرۊ، کۊشیای گەشمەرڎەکاما میاونمۍ سەرکەوتەی، ئانۍ کە دەس بەرا پەی بەهایەکاما، کە بە ونەو گەشمەرڎا وەشۍ بیێنۍ، مشۊم حیسابوو گرڎ چێوێوە کەرا، چونکوم ئێمە وەعدما بە گەشمەرڎا دان، پەشتی بە قوەی جەوهەریما بەسمۍ و هێزوو پارێزنای جڤاکینمۍ، متاومۍ دەسوو دەسدرێژیکارا بڕمۍ، ئێمە فیداکارۍ مەبارەکۍ و باوڕی و کولتووری و تارێخی و بەهاکامانمۍ. پێسە یەبەشەی متاومۍ جڤاکەکەیما جە گرڎ هجوومێوە بپارێزنمۍ، ئێمە ئینایمۍ سەرڎەموو هێزوو وێمانە.
پەنەوازا جە ڕاو یۊبییەیۊ ئیدارەو وێڕاوەبەریی دیموکراتیکوو شەنگالی قەوەتتەر کەرمۍ
پەنەوازا گرڎوو تاکەکاو جڤاکەکەیما بەتندی دەسۍ گێرا بە بەهایەکاشاوە، هامپەیمانیی وێشا قەوەتتەر کەرا، بە ئیرادەوە پاڵوو هێزەکاو وێپارێزناینە مرڎا. سەروو ئی بناغەیۊ، مشۊم بە مەزنتەر درێژە بە کۊشیای دەیمۍ، جە گرڎ بوارێوەنە بەشدارۍ بیمۍ جە وێپارێزنای جەوهەریینە. پی ڕۍ، ئیدارەو وێڕاوەبەریی دیموکراتیکوو شەنگالی قەوەتتەر کەرمۍ. زەروورا ڕۊڵەکاو گەلەکەیما دلۍ زیندانە چوارچوەدارەکانە بەرپشا و گێڵاوە خاکە مەبارەکەکەشا، پەی بونیادنیایۊ شەنگالی و خولقنای ژیواێوە ئازادی سەروو ئی خاکە مەبارەکەیۊ.
پی مانۍ و سەروو ئی بناغەیۊ، بە ڕێز و سوپاسۊ یادوو گرڎوو گەشمەرڎا کەرمێوە، تا دما دڵۊپەو ونۍ سەروو ڕاو گەشمەرڎاوە بەرڎەوامۍ بیمۍ، هەوڵۍ مدەیمۍ پەی ئارڎەیدیی بەپەلەو وەرمەکاشا. وەعدما پەی گەشمەرڎا ئارڎەیدیی سەرکەوتەی و ئازادی و قەوەتکەرڎەی ئیرادەو گەلەکەیمانە”.
