سەروو داواکاری جمهووری ئیسڵامی ئێرانی جە پارێزگاو هەڵبجەی مەراسموو حەجابی دینی پەێ ١٣٥٧ کناچا رێکوزیا . وەزارەتوو فەرهەنگ و ئیرشادو جمهووری ئیسڵامی ئێرانی پسۆ ناوەندوو پرۆژەکەی ، جە ڕاو ( ڕێکخراوی گەشەپێدانی قوتابیانی کوردستان ) چێروو نامێ فستیڤاڵەو تاجی زێرین جە هەڵەبجەنە بە بۆنەو ٤٢ هۆمین ساڵیادو ئەرەمەرزنایرەو جمهووری ئیسڵامی ئیرانی جەژنەو حجاب و بالاپۆشیشا پەێ ١٣٥٧ کناچا بە یادوو ساڵەو ١٣٥٧ هەتاوی پسۆ ساڵەو سەرکەوتەو جمهووری ئیسڵامی بەرد ڕاوە .
:
یاگێ باسینە کە دەسەڵاتدارا باشووری پەێ مەنەیۆ وێشا جە دەسەڵاتینە ڕۆ بە رۆ زیاتەر جە جارانی ڕا پەێ سازمانە فەرهەنگی ، سیاسی و جاسوسیەکا ئێرانی و تورکیەی کراوە . چێرو سێبەرو دەسەڵاتدار پانیشتی ، کەڵتور و فەرهەنگ و کوردی رۆ بە ڕۆ ڕوە فۆتیای ملۆنەو و فەرهەنگوو داگیرکەرا سەرو کۆمەڵگایرە زاڵ بۆنە . سەرەراو ئانەی کە ژەنەو کوردی هەر جە ویەردە تا ئاڕۆ یاگێوە تایبەتەش جە ژیوای ڕوانە و ڕاوەبەری کۆمەڵگای بیەنە ، بە داخەوە چێروو سیاسەتوو پارتی و یەکیەتی کریەنە بە بەشێ جە بازرگانی سیاسی و ئابووری داگیرکارا کوردستانی .
