شەهید بیەو فرماندێوە خەلکوو هۆرامانی جە مێردین .

هەپەگە ئاشکراش کەرد: هۆرام ئاۋیەر فەرماندەو ئیالەتو مێردینی و ٣ گەریلایێ هامڕێش جە دمای جەنگی قارەمانانەی چەنی دوژمنی جە مێردین شەهیدێ بیێنێ.

جەُ ئەرەیاونایێوەنە میانگەو یاونەری و چاپەمەنی هێزەکانو پارێزای گەلی (HPG/هەپەگە) ئاشکراش کەرد: هەورام ئاۋیەر فەرماندەو ئیالەتو مێردینی و ٣  گەریلایێ هامڕێش جە دمای جەنگی قارەمانانەی چەنی دوژمنی ئەرەگێری تورکی، جە پارێزگاو مێردینی سەر بە سەرنیشتو کوردستانی شەهیدێ بیێنێ.
میانگەکە دەستنیشانش کەردەن: هەورام ئاۋیەر خەڵکو ناوچەو ژاوەرۆی سەر بە هەرێمو هەورامانیەن و جە شارو سنەی جە ئەڎێ بییەن و جە فرە مەیدانێ کۆشاییەنە بەشێوازێوی سەرکەوتە ئەرک و وەرپەرسیاریش بەگاە ئاوردەن.

تەمامی ئەرەیاوناکەی:

“٨ی نیسانو ٢٠٢١ی ئاشکرامان کەردەبێ: ٢٩و ئاداریەنە سەعات ١٤:٠٠ دمانیمەڕۆی، جە (دەربەندو شەهیدا)و ناوچەو باگۆکێ-ی سەر بە پارێزگاو مێردین-و سەرنیشتو کوردستانی، گرووپێ جە هامڕاکانمان کە ئەرک و وەرپەرسیاری وێشان بەجا ئاوەرێنێ، رووبەڕووێ ئەرتەشە ئەرگێرەکەو تورکیای مەبانێوە کە جە ناوچەکەنە ژلێوەی لەشکەریش دەستپنەکەردەبێ. جە دمای جەنگی و مدرامانی قارەمانانەی و کوشتەی و بریندارکەردەی چەنڎین سەربازێ دوژمنی، هامڕێمان (هەورام، رێبەر، عەگید و ڕۆستەم) شەهیدێ مەبانێ”.

ئەشناسیا بە: هەورام ئاویەر

نامێ: حەسەن

شۆرەت: مەحمودی

یاگۍ جەئەڎابییەی: سنە

نامێ ئەڎێ: گوڵستانە

نامێ تاتەی: سالار
کات و سات و یاگۍ شەهیدبییەی: ٢٩و ئادارو ٢٠٢١ی/ مێردین.