یەک و مەی پسۆ ڕۆ جیهانی کاریگەری .
:
بەیاننامەو پڵاتفۆرموو هۆرام-ی بە بۆنەوە ڕۆ جیهانی کاریگەری :
:
گرد ساڵە جە ڕوێ پسۆ ئاڕۆینە گلێرەبیە و جەژنێ جیاوازێ جە لاو رێکوزیا ، حزب و هەر پاسە فرەو دەۆڵەتاوە چێروو نامێ کاریگەریوە ملا ڕاوە . ئامانج جە رێکوستەی ئێ یادەیە یاد کەردەیۆ جە زەحمەت و چینوو کاریگەریا جە جیهانەنە و هەر پاسە کۆشیایا پەێ ئانەی ئی بەشەو کۆمەڵگای یاوا بە حەق و وێشا . بە داخەوە ڕۆ بە ڕۆ بە بۆنەو سەردەسی سیستمە نا ئینسانیەکا کە جە بەرگ و دەۆڵەتەکا و هەر پاسە کۆمپانیە گەورەکا وێشا بەر وستەن ئاژەو ژیواو ئینسانەکا رووبە خرابە مڵۆ . چی ئاژەنە زارۆڵا و ژەنا دوێ چێنێ کۆمەڵگاینێ کە سەرەڕاو ویر کریەنێ ، جە فرەو وەڵاتانە زۆڵم کەردەی و زۆت کەردەو مافەکاشا بەشێن جە یاساو ئا وەڵاتا . ئێران یۆ چا وەڵاتانەن کە بە گرد شێوە زارۆڵێ و ژەنی جە چوارچێوەو یاساکاشەنە ڕوانە زۆڵمشا وەنە کریۆ .
بەلام جە بەروو دەۆڵەتە دیکتاتۆرەکا و هەر پاسە کۆمپانیە سەرمایەداریەکا ، ئانە کە تا ئیسە جە لاو حزب و لایانە بە نامێ ، سۆسیاڵیستی و چەپەکاوە نەوینیان و باس نەکریان . ئینە پێ وێش زۆڵمێن کە جە حەق و ئەدایا کریۆ . رۆڵوو ئەدایان کە تاومێ پسۆ یەکەمین چینوو کاریگەرا نامێشا بەرمێ . ئا کەسێ کە بە بێ بەرامبەر زارۆڵێ پەێ کۆمەڵگای پەنە یاونا و کەس نیا کە چێروو هیچ نامێوەنە نامێشا بەڕۆ . بەداخەوە بیە سیستموو پیا ساڵاری و دەۆڵەتی تا بە ئاڕۆ وەرگیر بیەن جە بەر وستەو ئا راسیەیە کە ئەداکێ یەکەمین ئینسانێنێ کە پەێ ژیوایە سۆسیاڵیستی هەنگامەشا نیەنە . هەر پاسە بە بێ بەرامبەر پەێ مەنەیۆ ئینسانی و هەر پاسە پەنەیاونا تاکەکا کۆمەڵگای ژیواو وێشا بەختکەردەن . بەداخەوە فرەو حزبە بە نامێ چەپەکا نە ئانە کە ئی راسیەشا شارتەنۆ ، تەنیا کاریگەرەکا وەردەسوو کارگا سەنعەتی و خزمەتکارا دەۆڵەتی بە چینوو کاریگەری مدا قەڵەم .
پسۆ پڵاتفۆرموو هۆرام-ی جە ڕوێ پسۆ ئاڕۆینە وەلێ گرد کەس و لایانێ ئی ڕوەیە جە ئەدایا کوردستانی و بە تایبەت ئەدایا هۆرامانی مۆبارەکبایی ماچمێ . داواچما ئانێنە کە گرد لایە ، رۆڵ و ئەدایا بەرز وینا . ئێمەیچ پسۆ ریکوزیاو وێما پەێ ئانەی زەحمەت و ئینسانیەت و ئەدایا کە کۆشیای پەێ ژیوایە یەکسان و ئازادیا ویر نەکریۆ و جارێ تەر شکۆداری کۆمەڵگای گێرا دەس ، ئامانجەکاشا بە بنەڕەتوو کۆشیای و خەبات و وێما منیەمێرە . هیواما ئانەن کە گرد لایە بە تایبەت ژەنا و ئەدایا ، بە رێکوستەی وێشا پەێ کۆمەڵگایە ئازاد و دیموکراتیکی ، سەرچەماکا ناعەداڵەتی و پیاساڵاری وشک کەرا . جارێتەر پسۆ پڵاتفۆرموو هۆرام-ی وەلی گرد کەس و لایانێ و چینێوە ، حەق و ئی ڕوەیە بە ڕۆ ئادایا زانمێ و ڕۆ کاریگەری جە ئەدایا مۆبارەکبایی ماچمێ . هیواما ئانەن کە تاومێ لایق و زەحمەتوو ئەدایا پسۆ یەکەمین کارگەرا و ئینسانە سۆسیاڵیستەکا جیهانی بیمێ .
ڕاوەبەری پڵاتفۆرموو هۆرام-ی
١-٥-٢٠٢١
