خەبەرێ

جە بەریتانیا ئەرەمەرزنای هۆرام-ی و ڕۆو زوانی ئەڎایی پیرۆزێ کریێ

جە شێفێڵد-و بەریتانیا-ی ڕێکوزیێکێ پلاتفۆرمو هۆرام-ی، ئەرەمەرزنای پلاتفۆرمەکەی و ڕۆو جیهانی زوانی ئەڎاییشان پیرۆزێ کەردێ.

جە شێفێڵد-و ووڵاتو بەریتانیا-ی، ڕێکوزیێکێ پلاتفۆرمو هۆرام-ی، بە بۆنەی ٦مین ساڵیادو ئەرەمەرزنای پلاتفۆرمەکەی و ڕۆو جیهانی زوانی ئەڎایی، مەڕاسیم و ئاهەنگێش پەی هۆرامی زوانەکانو وڵاتەکەت ڕیکوست.
جە مەراسیم و ئاهەنگەکەنە سەرەڕاو خراپی ئاو و هەۋای و ۋا و ۋارانی، بەڵام ژمارێوێ فرێ جە هەورامییەکان بەشدارێ بیێ و شادمانی وێشان بە بە هەردووی بۆنەکەی نیشانەدا.
سەرەتا، مەڕاسیم و ئاهەنگەکە بە دەیەقێ مدرای و بێدەنگی پەی گیانبەخشانو ڕاو ژیوگەر پارێزی هەورامانی و کوردستانی و هەرپاسە سەرجەم شەهیدێ ئازادیی دەستش پنەکەرد.

دماتەر سەبارەت ڕۆو جیهانی زوانێ ئەڎایی و هۆکارو دیاریکەردەی ٢١-٢ چوون ڕۆو زوانی ئەڎایی جە جیهانەنە، (ساڵار دزڵیەیی) قسێش کەردی.
شۆنیشەرە سەبارەت بە گرنگی زوانی ئەڎایی و بارودۆخو ئێسەو زمانی کوردی- هۆرامی و ڕاچارەکێ پەی پارێزنانی زوانەکەی، شاهۆ چشمیدەر وتارێشدا.

ئامانج جە ئەرەمەرزنای پلاتفۆرمو هۆرام-ی و گرنگیش پەی هۆرامییا و هەرێمو هۆرامانی و کارنامە پلاتفۆرمەکەی بەشێ گرنگ بێ جە مەراسیم و ئاهەنکەکەی و جە ئی بارەوە زەردەشت هۆرامی، ئەندام جە ڕاوەبەری پلاتفۆرمو هۆرامی بەفروانی قسێش کەردێ.
جەدمای زەدەشت هۆرامی، پەیوەست بە هەردوێ بۆنەکەی، چەندین کەسێ تەرێ قسێشان کەردێ.

شۆنە قسێ و وتارەکارە، هونەرمەند فەرهاد عەفرینی بە کرمانجی، شاعر رێبوار ئاڵانی بە سۆرانی گۆرانیێشان واتێ و شعێرشان وانێوە. دماجار بەڕێز عۆمەر سالح سەروو کەسایەتی و شێعرەکا مۆلەوی کورد بابەتێش پێشکەش کەرد .

جە کۆتایی مەڕاسیم و ئاهەنگەکەیەنە، گرووپو هونەرو سیاچەمانەی بە گۆرانێ سیاچەمانێ، دەرەیێ و شادێ کۆڕەو هۆڕپڕای و شاڎێشان گەرمە کەردە و ئانڎەی تەر مەڕاسیم و ئاهەنگەکەشان ۋنارێوە.

Z