خەبەرێ

مەخموور : کەمپ یا زینانوو هام وەڵاتیا .

چانەی مشۆ فرەو هام وەڵاتیا ئاگاشا جە کەمپوو مەخمووری جە پانیستوو کوردستانی نەبۆ . ئی کەمپە کە نزیکەو ١٣ سێنزە هەزار کوردێ سەرنیشتوو کوردستانیش چەنە ژیوا ، زیاتەر جە بیس ساڵان جە لاو دەسەڵاتوو پانیشتوو کوردستانی بە تیابەت حزب و دیموکرات و کوردستان و عێراقی بە شێوەی جۆراوجۆر فشارشا سەر وزیۆ .
جە دما هەنگامە نادیموکراتیەکا و دژوو قازانجوو نەتەوەیی گەلەکەیما ، حزب و پارتی بە ڕابەری بارزانی سەروو داواو دەوڵەتوو تورکیەی نزیکەو هەشت مانگان کە کەمپوو هاوم وەڵاتیا پانیشتوو کوردستانی – مەخموور کە جە لاو سازمانە میڵڵەلیشەو سەبت کریان گەمارۆ دان. جە کەمپوو مەخمووری بە هەزاران زارۆڵێ و کەسێ نەوەشی جە ئیمکاناتوو ئاوێ پاکێ ، شۆت ، جڵ و بەرگ و دەواو دەرمان بێ بەش کریەنێ . بە تایبەت چی وەختەنە کە نەوەشی کرۆنای گردوو جیهانیش گێرتەنەرە ، نە ئانە حکوومەت و هەرێموو کوردستانی هیچ بەرنامێ ئینسانی و نەتەوەیش پێ خەلکوو کەمپەکەی نیا ، ڕاو یاوناو هەمیاری و کۆمەکەکا خەلکە خیرخوازەکا و هەر پاسە راوەبەری رۆژئاوایچش گێرتێنە . یاگێ باسینە کە ناوەندوو سڵامەتی رۆژئاوا کوردستانی پسۆ ئەرکێ ئینسانی ئەرکوو پارێزناو گیان هام وەڵاتیا مەخمووریش گێرت وێش .بە داخەوە حزب و دیموکرات و کوردستان و عێراقی بە هەمیاری میت و تورکیەی گرفتێ پێ یاوناو هەر نۆعێ هەمیاری پێ ئی کەمپەیە وەشێ کەرۆ .
یاگێ باسینە کە جە ساڵا ویەردەی بە سەدان کەسێ بە تاوانوو دژایەتی تورکیەی جە لاو پارتیوە قۆڵبەس کریەنێ . یا ئینە زینانەکا ئاکرێ و دهۆکی یا تەسلیموو تورکیەی کریەنێوە . پۆچی نزیکەو بیست ساڵان کە فشار سەروو خەلکوو کەمپوو مەخمووری بە شێوەی سیستماتیک لوان ڕاوە . هەر جە هانداو داعشی پێ کۆم کۆستەو خەلکوو کەمپەکەی جە سالەکا ٢٠١٤ و ٢٠١٥ تا گەمارۆداو کەمپەکەی بە ماوە هەست مانگا . پۆجی کەمپوو مەخمووری جە ئاژێوە خرابەنە سەر بەرۆ ، بە جۆرێ کە خەلکەکەش ئاوات بە زینانی وازا تا ژیوێوە ناوەش .

Z