بەیاننامەو کۆگاو نەتەوەیی کوردستانی (ک.ن.ک) بە بۆنەو ڕۆ زوانوو کوردی :
:
کۆگاو نەتەوەیی کوردستانی بە دیار کەردەو ڕوەکا ٢٥ -٢٦-٢٧ پاژەرەژی وەرانوەر بە ١٤ و ١٥ و ١٦ مەی پسۆ ڕوەکا زوانوو کوردی داواش جە گرد لایەو و کەسەکا کەرد بە گرنگیدای بە زوانوو ئەذائیشا ڕۆ ١٥ مەی پسۆ ڕۆ جەژنەو زوانوو کوردی پیرۆز کەرا و پیڵانوو داگیرکەرا پووچ کەراوە .
کۆگاو نەتەوەیی سەرەراو مۆبارەکبایی کەردەو ئی ڕوا ، مەنەیۆ زوانەکەیما گێڵنۆوە پێ تاریخوو کۆنوو گەل و کوردی و زوانەکەیش . هەر پاسە باس کەرۆ کە داگیرکەرا کوردستانی پێ درێژەدای بە سیستموو داگیرکاری تەڵاشا کەردەن کە زوانوو نەتەوەکەیما بە گرد شێوە جە بەین بەرا .
جە وەختێ پسۆ ئاڕۆینە جە وەڵاتەکا ئێران ، تورکیە و سوریەنە هێشتا ئاسمیڵاسیۆن وەرانوەروو بییەو و شناسوو کوردیوە درێژەش هەن . داوا جە گەلەکەیما کەرمێ پێ دژایەتی کەردەو سیاسەتەکا ئی دەۆڵەتا جە هەر یاگێ و دەرفەتێنە جە زوانەکەیشا پارێزگاری کەرا . داواما ئانێنە کە کووجیەو ، کۆڵان و یانەکا کەرا بە سەنگەروو پارێزناو زوانی . هەر پاسە چی ڕوانە بە نیشانداو دەنگوو نارزی بییەی جە وەرانوەروو سیاسەتوو تاونایۆ فەرهەنگی دژو سیاستوو ئاسمیڵاسیۆنی جە لاو دەٶڵەتەکا ئیرانی ، تورکیە و سوریەی هەنگامە بنیە .
دما جار داواما جە گردوو گەلەکەیما و لایانەکان کە بە یۆگێرتەی ، پیڵانەو داگیرکارا کوردستانی کە بە گرد شێوە گەرەکشانە شناس و بییەیما نازا ڕاو مدرامانی هۆرچنا .
کۆگاو نەتەوەیی کوردستانی ( ک.ن . ک )
١٥-٢-٢٠٢٠ وەرانوەر بە ١٦ پاژەرەژوو کوردی
