پژاک- پارتوو ژیواو ئازادو کوردستانی سەرو هێرشە هامبەشەکا ئیرانی و توکیەی بەیاننامێوەش دا بەر .
جە بەیاننامەکەو مەجلسوو پژاکی ئامان :
هێرشەکا ئیسەو تورکیەی تەنیا بە ئامانجوو دژایەتی پەکەکە و تەڤگەروو ئاپۆچی نیا و جە زووتەرین وەختەنە گرد لایانەکا تەری گێرۆوە و هەر لایانێش چی پیڵانێنە هەمیاری تورکیەی کەرۆ چاڵی پەی وێش کەنۆ . پژاک یاوناش کە ئی هێرشە جە چوارچێوەو هام پەیمانی تازە جە بەینوو داگیرکەرا کوردستانی رێکوزیان . بەشداری هێزەکا ئیرانی جە ڕاو تۆپوارانوو هەرێمەکا گریڵای و زانیاریدای بە تورکیەی جە وەرانوەروو کەردەیۆ دەروزەکا ئابووری تورکیەن سەروو ئێرانیرە .
پژاک یاوناش کە ئی پیڵانێ تەنیا دژ بە تەڤگەری ئاپۆچی نیا ، ئامانج گردوو گەل و کوردی و کوردستانا . بەشداری بەعزێ لایانێ کوردی چی پیڵانە تازێنە ، پسۆ ” کەنەو چاڵێن بە دەسوو وێشا ” . ئەی هێرشە بە کۆمکۆشتەو خەلکوو ئێزیدی و هێرش سەروو قەندیڵی دەسش پەنە کەردەن و دمایی گردوو دەستکەوتەکا گەلەکەیما گێرۆوە . پژاک هەر پاسە دەس نیشانش کەرۆ کە فرە بیەو ترافیکوو دیپڵۆماسی جە بەینوو نەیارا کوردی جە چن مانگی ویەردە پسۆ سەرداو وەزیرەکا ئیرانی و تورکیەی پەی وەڵاتا یۆترینی ، سەرداو هاکان فیدان وەرەپەرسوو میت و تورکیەی پەی بەغدادی و چەم پەنە کۆتەیش چەنی کازمی سەرۆک وەزیرانوو عێراقی بێگومان بنەڕەتوو ئا هێرشانە کە جە چن ڕۆێ چێوەڵتەر دەسشا پەندە کەرد . ئینە نیشانە مدۆ کە پیڵانگێڵنای تازە سەروو تەڤگەروو ئاپۆچی دەسس پەنە کەردەن .
پژاک سەرەراو شەرمەزار کەردەو گردوو ئا هێرشا کە سەروو گەلی ئێزیدی کریا ئی هێرشە تازا پسۆ فەرمانێ تازە وینۆ . هەر پاسە داوا جە گردوو لایانە کوردیەکا کەرۆ بێدەنگێ نەبا و بە جدی پەی مدراوو ئایروو جەنگی هەنگامە بنیا . هەر پاسە داوا چا لایانا کە هەمیاری دەۆڵەتوو تورکیەی کەرا کەرۆ کە واز جە بەشداری پیڵانەو دۆژمنا بارا و گێڵاوە بەرە گەلی .
مەجلسوو پارتوو ژیواو ئازادو کوردستانی – پژاک
