خەبەرێ

سپای پاسداران جە هەرێمەکا هۆرامان ، چڵچەمە و برادۆس ناوەندی جاسووی رێکوزۆ.

بە پاو سەرچەمێوە باوەر پەنە کریا جە وەرکەوتوو کوردستانی ، سپاو پاسدارنی جە نەورۆزوو ١٣٩٩ هەتاوی وەرانوەر بە ٢١-٣-٢٠٢٠ بە ئامانجوو کۆنترۆڵ کەردەو جمووجۆڵوو هێزەکا گریڵای و حزبە نەیارەکا رژیمی جە قۆناخێ تازێ پرۆژێوەش بە نامێ ( ئەمنیەت کوهستان ) بە شێوە تایبەت دەسپەنە کەردەن .
سپاو پاسدارانی جە پرۆژەکەشەنە سەرەراو بە کار بەردەو پەهبادێ جاسووسییە ، چێروو نامێ پارێزەرا ژیوگە و سرووشتی خەلکێ فرەش رێکوستەن .هەرمانەو ئی کەسا جەم کەردەیۆ ئاگاهی و زانیاری سەروو یاگێ گریڵاکا کوردستانی و هەر پاسە شناسای ئا کەسا کە هەمیاری ئا هێزا کەرا . بە پاو ئا زانیاریا کە دەسوو پڵاتفۆرموو هۆرام-ی یاوێنێ سپا ڕوانە نەفەرێ ٨٠ هەستا هەزار تمەنێش پەی ئا کەسا دیاری کەردەن کە بە دەسی هۆرشگێرا.
ناوەندوو ئی هەرێما پاوە ، سەقز و ورمێ دەسنیشان کریان . جە ماوەو یەرەمانگی ویەردە بە پاو ئا زانیاریا کە جاسووسا دان بە ناوەندە ئەمنیەتیەکا دۆڵەتی سپای پاسداران نزیکەو دو هەفتانە کە جە هەرێمەکا هۆرامان و مەریوان ، چڵچەمە و دیواندەرە و برادۆس بە ئاوردەو هێزێ فرە جە بناروو کەشەکاوە پایگێ تازێش وەش کەردێنی .
جە بەشێ جە راپۆرتوو وڵاتپارێزانە ئۆمان با هێزەکا گریڵای وێشا پارێزناو ئاگاشا جە فرەو ئا کەسا بۆ کە بە نامێ شاخەوان ، ژینگەپارێز و گردشکەر جە کەشەکا وەرکەوتوو کوردستانی ئاماو ڵوایشا هەن . جە ماوەو دو هەفتەی ویەردە ڕوانە پەهبادی جاسووسی سەروو هەریمەکا هۆرمانای و ، چڵچەمە و برادۆسی پەی شناسایی ئەرکدار کریەنێ .

Z