خەبەرێ

٣٣ ساڵێ چێوەڵتەر سەردەشت بە چەکی شیمیایی وناڵین بی .

– سەردەشی یۆهەمین شار کە جیهانەنە بە شیمیایی هێرش کریا سەرش.

:
جە ڕوێ پسۆ ئارۆینە ، ( ٢٧-٦-١٩٨٦ وەرانوەر بە ٧ پووشپەروو ١٣٦٦ هەتاوی ) شاروو سەردەشتی پسۆ هێڵیانێ مدرامانوو هەرێموو مۆکریانی بە هەماهەنگی رژیمەکا ئێرانی و عێراقی بە چەکی شیمیایی هێرش کریا سەرش . هێرشەکە جە لاو هێزوو ئاسمانی عێراقی بە باڵەفڕێ جە نۆعوو سۆخۆ ٢٥ ئەنجام دریا . جە کۆم کشتەکەو شارو سەردەشتی فرەو ژەنا و زارۆڵا بیە بە قۆربانی جەنگوو ئێران و عێراقی .سەردەشت یۆهەمین شارا جە جیهانەنە ن هەنە کە بە چەکی شیمیایی هێرش کریان سەرش ، نزیکەو ١٠٠ کەسا هەر ئاڕۆ گیانشا جە دەسدا و نزیکەو ٨٠٠٠ هەشت هەزار کەسا تەری تووسوو نەوەشی تەنگە نەفەسی و پۆسی بییە .

ئی هێرشە جە بەروو گرد قەباڵە دیاری کریاکا یاساو جەنگی بێ بە جۆرێ کە جە ساڵەو ۱۸۷۴ (کۆنفرانس و برۆکسلی) و ساڵەکا ۱۸۹۹ و ۱۹۰۷ (کۆنفرانسوو ڵاهەی ) دەۆڵەتەکە مۆئەزەفێ کەرۆ کە جە وەختوو جەنگینە بە هیج جۆرێ هێرش نەکەرا سەروو خەلکی بێ تاوانی . سەرەراو ئانەی دەۆڵەتوو عێراقی یۆ چا ١٢٠ وەڵاتا بێ کە بە کار نەئاوردەو گازی سەمی و خەفەکەرش جە وەختوو جەنگینە جە ساڵەو ١٩٢٥ رێکەوتنامەو ( ب ٢١- ٢١٦١ سازمان و مللەلی ) واژۆ کەردەبێ .بەلام جارێ تەر بەر کەوت کە دەسەڵاتدارەکێ ئانە کە پێشا مۆهم نیا گیانوو خەلکی باتاوانیا .

Z