پڵاتفۆرموو هۆرام-ی بە بۆنەوە هەشتەمین ساڵڕۆ ئەرەمەزنارەو ئاخێزوو وەرنیشتوو کوردستانی ( رۆژئاوا ) پەیامێش وەلا کەردەوە .
:
ج پەیامەکەو پڵاتفۆرموو هۆرام-ی ئامان :
گەر چەمێ خشنمێ ویەردەو کۆشیاو و سەرهۆرداکا کوردی پەیما بەرگنۆ کە هیچکام پسۆ ئاخێزوو رۆژئاوی نەتاواشا با بە ئیرادەو و باوەری پەی کوردا و هەر پاسە گەڵە چێردەسەکا . ئاخێزوو رۆژئاوای بە نیشانداو شێوە جیاواز جە وێڕاوەبەری جە سیاسەت ، پێوەرە ژیوا گەڵا ، یەکسانی ژەن و پیای ، گرنگیدای بە ژیوگەی ، پارێزناو گردوو شناسنامەکا بە بی جیاوازی تاواش پەرسەو کوردی جە پەرسێ هەرێمی کەرو بە پەرسێ جیهانیە .
رۆژئاوا جە ماوەو هەشی ساڵی ویەردەی سەرەرا گردوو ئا هێرشا کە کریەنێ سەرش ، بە مدرامان پارێزگاری جە بەها ئینسانیەکا وێش کەرد . باور بیەی بە وێ رۆژئاواش جە بیەی بە ئەبزارێ جە دەسوو زڵهێزانە واڕا بە کارێکتەرێ هەرێمی و جیهانی کە حەسابی تایبەتس سەرۆ کریۆ . رۆژئاوا ئاڕۆ کڕێڵوو فرەو گۆرانکاریەکا وەرکەوتوو دڵێراسەین . پۆچی سەرکەوتەو رۆژئاوای خاورمیانێوە دیموکراتیک و ئازاد چەنی وێش بۆنیاد منیۆ .
پسۆ پڵاتفۆرموو هۆرام-ی جە ڕوێ پسۆ ئارۆی (١٩ جووڵای ) سەرەڕاو مۆبارەک بایی کەردەو ئی ڕوەیە جە گەلەکەیما ، خانەوادەو کەس و کاروو گیانسەردەسا ڕاو ئازادی ، زیندانیا سیاسی . شەرڤانا یەپەژەی و یەپەگەی ، مدرامان و داستانە پەر جە قارەمانیەکا گەلەکەیما و یۆ بە یۆ ئا وەشەویسا کە گیانشا بەخت کەردوو یا بەشێ جە ڵەشیشا پەی سەربەرزی ئێمە بەخشا ویر نمەکەرمێ .
جە ڕوێ پسۆ ئاڕۆینە پەیمانما چەنی ئامانجە ئینسانیەکا ئاخێزوو رۆژئاوای دووبارە کەرمێوە و داواما ئانینە گەلەکەما جە هەریاگەنە کە هەنێ تا سەرکەتەی یەکجاری بە رۆحوو کۆبانێ ، سەرێکانی و عەفرینەکا پاڵپشتی ئاخێزوو رۆژئاوای کەرا . رۆژئاوا ئا هیمانە کە وانەو مدرامانی و باور بە وێ بیەیش جارێتەر بە گرد کوردێ بە تایبەت ئیمەی هۆرام-ی بەخشا کە بە رێکوستەو و باور بە وێ بیەی ، سەرکەوتەی جە گرد ئاژێوەنە مسۆگەرا .
:
ڕاوەبەری پڵاتفۆرموو هۆرام-ی
١٨-٧-٢٠٢٠
