بە پاوە پەڵیانەو مافوو مرۆڤ و کوردستانی فەرزانە جەڵالی چاڵاکەو بەشوو ژەنا مەتەرسی گێڵنایۆ زۆرەمڵیش پێ ئیرانی هەن .
بە پاو ئا سەرچەمەیە نامبریە کە جە سالەو ١٣٩٥ هەتاوی بە وەسێقەی ٣٠٠ ملیون تمەنی جە زینانەنە ئازادە بیەنەو و ئێرانش جیا ئاستەن پێ نزیکەو دوێ ساڵان کە جە تورکیەنە ژیوۆ . نامبریە ماوێ چێوەڵتەر کە پێ تازە کەردەیۆ پاسپۆرتەکەیش سەرداو کۆنسوڵخانەو ئیرانی جە ئستانبۆڵەنە کەرۆ بە بەهانێ جیاوازێ دەساو دەسش پەنە کەرا کە تاریخوو پاسپۆرتەکەیس سەرەنە بشۆ . سەرەراو ئانەیە کە بە ئامانجی تایبەت کارەکاس دما وزا جە لاو کارمەندا سەفارەتوو ئیرانی بە دوور جە یاساو کارگۆزاری کۆنسووڵخانەی دوێ جارێ جە لاو دوێ کەساوە بازجۆیی کریۆ .
جە بازجۆئیەکەنە پەنەش یاونا کە پەروەندەش جە ئیرانەنە کریاوە مەنەن و مشۆم گێڵۆوە پێ ئیرانی و دماو ئامادە بیەیش جە دادگانە ، چاگە پاسپۆرتش تازە کەرۆوە . ئینە جە وەختێوەن کە تەنیا یەک هەفتە جە تاریخوو سەر شییەو پاسپۆرتەکەیش مەنەن و بە تەماو ئانەینێ کە تا ماوێ تەر پسۆ کەسێ غەیرە قانوونی جە دەۆڵەتوو تورکیەی داواو گێڵنایشۆ پێ ئیرانی کەرا .
بە پاو راپۆرتوو ناوەندەکا ماف و مرۆڤی ساڵانە چنها کەسێ سیاسی و چاڵاکی مەدەنی و ژەنا بە بێ وەر چەم گێرتەو هیج یاسایە نێو دەۆڵەتی جە لاو دەۆڵەتەکا ئیرانی و تورکیەی تەسلیمێ دەسەڵاتەکا تارانی و ئانکارای کریەنی .
- یاگێ باسینە کە فەرزانە جەڵای جە ٥-١٢-١٣٩٥ جە کرماشان بە تاوان و هەمیاری حزبێ نەیاروو جمهووری ئیسڵای قۆڵبەس کریا و دماو ١٧ ڕوا بە زەمانەتوو ٣٠٠ مڵیۆن تمەنا تا ڕۆ دادگائیەکەیش ئازادە کریا . کە جە دماو بەر ئامایش ئیرانی جیا مازۆنە و پی ماوەو ٢ ساڵان جە تورکیەنە ژیوۆ .
