بە بۆنەو٤١ هۆمین ساڵیادو شەهید بیەو کاک فواد مۆستەفا سۆڵتانی .
:
٩ ئاوەوەرەو ١٣٥٨ وەرەتاوی جە بەینو سەقز مەریوانی نزیک بە دەگاو بەسطامی یۆ جە ڕابەرە شکۆدارەکا وەرکەوت کوردستانی و کوردی بە گردی جە هێرش و هێزەکا سپاو و پاسدارانی گیانش بەخت کەرد . ئاڕۆ ٤٠ ساڵێ جە شەهید بیەو کاک فواد مۆستەفا سۆڵتانی ئەژناسیا بە فوادی گۆزەریۆ . یۆ چا ڕابەرا کە هەر جە یۆهەمین هەنگامەو خەباتیش پی نەمەنەی زۆڵم و ناعەداڵەتی کۆمەڵایەتی دەسش بە خەباتی کەرد .
کاک فواد خەلکوو دەگاو ئاڵمانەو سەر بە مەریوانی جە ساڵەو ١٣٢٧ جە ئەدا بیەن و جە ٩-٦-١٣٥٨ یاوا کاروانوو گیانبەخشا ڕاو ئازادی و یەکسانی . کاک فواد وانایش جە سنە و تارانەنە تا قۆناخەو فوقە لیسانسی تەمامناو و دمایی ڕابەری ئاخێزوو هەژارا کوردستانیش ڕابەری کەرد . جە ساڵەو ١٣٤٨ وەرەتاوی چەنی چن رەفێقاش بە بۆنەو خەباتی رێکوستەیی جە لاو هێزەکا ساواکیوە قۆڵبەس کریا .
ئا وەختە کاک فواد و رەفێقەکاش جە زینانە نزیکەو ٢٤ ڕوا مان جە واردەی گێرا کە کاریگەریە تایبەتش سەروو دەنگە نارازیەکا بەروو زینانیەوە بۆ . دماجار جە ساڵەو ١٣٥٧ جە زینانەنە ئازادێ با و بە گێڵایشۆ پێ مەریوانی و کۆگاو کشاوەرزا مەریوانی مەرزنۆرە . کاک فواد بە رێکوستەو جوانا ، کشاوەرزا ، کۆچوو خەلکوو مەریوان پێ سنەی ، سەرهۆراداو جوانا سەقزی ، بانەی ، بۆکانی و مەهابادی دژ بە کۆماروو ئیسڵامی ڕۆڵێ تابەتس جە ئاخێزوو وەرکەوتوو کوردستانی بێ .
جە دماو حۆکموو جەهادو خۆمینی دژ بە خەلکوو کوردستانی جە ٢٨ گەڵاوێژوو ١٣٥٨ قۆناخێ تازە جە سەرکەوت کەردەو خەلکوو کوردستانی دەسش پەنە کەرد . بە داخی گرانەوە کاک فواد جە ٩ ئاوەوەرەو ١٣٥٨ وەرەتاوی جە وەختوو گێڵایۆ جە یۆ جە ئەرەنیشتەکاشەنە جە نزیکەو دەگاو بەستامی جە لاو هێزەکا سپاو پاسدارانی گنۆ کەمینەوە و گیانش بەخت کەرۆ . دماجار تەرموو کاک فوادی چەنی چوار پێشمەرگا کۆمەڵەی جە گۆرستانوو تاڵەسواروو ئاڵمانەی ئەسپەردە کریا .
دماو ٤١ ساڵا گەرچی کاک فواد نەمەنەن بەلام ڕاو و ئامانجەکا کاک فوادی درێژەشا هەنوو و تێکۆشان و خەباتشا پێ کریۆ . تا ڕوێێچ نامێ کاک فوادی مەنێ بۆ ڕاو یاوا بە سوسیالیزمی درێژەش هەن . ئانە کە کاک فوادش پسۆ ڕابەرێ ئاستەنۆ کەسایەتی و کردەوەکاش بیەن کە هام وەخت چەنی قسەکاش ، کردەوەش بیەن . هەنگامە مەدەنیەکا کۆمەڵەی بە ڕابەی کاک فوادی تاوا پێ ئاڕۆ خەلکوو کوردستانی پێ یاوای بە مافەکاشا پسۆ نەخشە ڕێوە بە کار بەیا .
