بەیانیێ خەبەرێ

پڵاتفۆرموو هۆرام-ی : ئازاد هۆرامی چێگڤاراو کوردستانی بێ.

بەیاننامەو پڵاتفۆرموو هۆرام-ی بە بۆنەو ٣٢ هۆمین ساڵیادو شەهید بیەو شکۆدارو ئازایەتی و نەتەوەایەتی ئازاد هۆرامی.
:
جە یادو ٣٢ ساڵەو شەهید بیەو ڕابەر ، فرماندەی نەتەوەیی ، رووناکویر و شکۆدارو ئازادی و یەکسانی گەلەکەیمانە . بە داخەی گرانەوە پا جۆرە کە وینمێ جە دماو ٣٢ ساڵا رەفێق و هامسەنگەرەکا ئازاد هۆرامی نەتاواشا ڕاو و ئامانجەکا ئی سەرکردەیە یاونا. بە پێچەوانەوە دژ و ویر و باوەری هەزاران شەهیدا پسۆ ئازادەکا هەنگامەشا نیا. بە جۆرێ کە تاومێ واچمێ شارتەیۆ کەسایەتی و باوەری کەسانێ پسۆ ئازاد هۆرامی پێ نەوەو سەردەمی و گرنگی نەدای بە ئامانجەکاشا لادایا جە خەبات و سەدان و هەزران شەهیدا کە پێ یاوای بە ژیوایە ئازاد و یەکسان گیانشابەخشا .
:
کەسایەتی و کۆشیاو ئازاد هۆرامی مەدرەسێوەن پێ نسل و ئاڕۆی کە جە راسی خەباتی نەتەوەیی و یەکسانوازی یاوانە . گەر تەماشۆ شێوەو خەبات و ژیواو ئا فرماندەیە کەرمێ وینمێ کە ژیوایش رەنگدانەوەش جە گردوو بەشەکا خەباتینە بیەن . رووناکویری ، ئازایەتی ، نەتەوایەتی ، یەکسانوازی و جە گردی مۆهمتەر گرنگیدایش بە هۆنەری جە وەختوو جەنگی و مدرامانینە . ئینە ئا پەیامەیە یاونۆ کە ئامانجش ژیوایە پەر جە ئاشتی و وەشی پێ خەلکی بیەن کە بە گرنگیدای بە هۆنەری پەنەش یاومی .    ئانە کە نامێ فرەو شکۆدارا جیهانی پسۆ گاندی ، ماندیڵای ، ئوجاڵان و گیڤارا و هەزارن ئینسانێ تەری تا ئارۆ مەنێنێ بەشێش کاریزما بیەو ئا کەسا بیەن ، بەشی هەرە فرەش بەردەوامی ئامانج و باوەریەکا ئا کەسایەتیا جە لاو رەفێق و هامسەنگەرەکاشاوە بیەن . پۆچی ئاڕۆ ئا راسیەما پی بەر گنۆ کە هام سەنگەرەکا ئازاد هۆرامی بەشێ هەرە فرەشا جە فەرامۆش کەردەو ئی سەرکردەیە لا یاوۆ .

:
پسۆ پڵاتفۆرموو هۆرام-ی جە ڕوێ پسۆ ئاڕۆینە سەرەراو گرنگیدای بە شێوەو خەبات ، کەسایەتی و ویر و ئامانجەکا شەهید ئازادی ، گردو ئا خاڵا کە پێ سەروستەو گەلەکەیما جە یاواوی بە ئازادی و رێکوستەو ژیوایە یەکسان و ئازاد جە کۆمەڵگانە بە خاڵێ سەرکەوتەو وێما زانمێ و درێژەشا مەدیمێ . باوریچما ئانەن کە یاوای بە کوردستانی ئازاد و کۆمەڵگایە یەکسان بە کرداری کەردەو ئامانجوو شەهیدا دەس پەنە کەرۆ . پۆچی تا نامێ ئازادەکا مەنێ بۆ ڕاو و ئامانجەکاشا درێژەشا هەن .

دەسەو ڕاوەبەری پڵاتفۆرموو – هۆرام-ی

.کۆرتێوە جە ژیواو شەهید ئازاد هۆرامی :
خانەوادەو شەهید ئازاد هۆرامی بە بۆنەو دژایەتی دەسەڵاتوو ناوەندی عێراقی جە شارۆچکەو تەوێڵێ وازیاوە پێ کەرکووکی . شەهید ئازاد جە ساڵەو ١٩٥٤ جە گەرەکەو ئیمام قاسمی جە ئەذا بۆنە . جە ١٩٧٠ بەشداری جە رێکوستەو مسیارا کوردی کەرۆ و بەشداروو جموو جۆڵوو ئەیڵووڵی بۆ . جە ١٩٧٣ پەیوەندی بە کۆمەڵەو رەنجەدەرانی گێرۆ و هەر چا سەردەمەنە چەنی ڕابەری گەورەو کۆمەڵەی شەهید ئارام جە ریکوستەو جوانا و کۆمەڵگای خەباتوو وێش درێژە مدۆ . جە ١٩٧٦ یۆهەمین دەسەو پێشمەرگەی بە ڕابەری وێش جە چەموو ڕێزانینە رێک وزۆ .
جە ساڵەو ١٩٧٨ جە کارەساتوو هەکاری بە ئەسیری گیریۆ و دمایی وێش رزگار کەرۆ . جە یۆهەمین کۆنفرانسەو کۆمەڵەی و یەکیەتی بە بۆنەو ئازایەتی و رووناکویریشۆ پسۆ ئەنداموو ڕاوەبەری هۆرچنیۆنە . پسۆ دماهەنگامی بە ئیرادێوە بەرزتەر فرماندەهیی بەرەنگاری سیاسەتوو پرۆسەو ئەنفاڵ و گەلەکەیما جە وەرانوەروو دەسەڵاتوو بەعسی گێرۆ وێش .
بە داخەوە فرماندەی ئازا کە بە چەک و گیتارەکێش جەنگ و هۆنەرش پێ سەروستەو ئامانجەکاش تێکەڵاو کەردەبێ جە رۆ ٣٠ -٨-١٩٨٨ بە بۆنەو بۆمبەوارانوو رژیموو بەعسی جە دەگاو کۆنەکۆتر سەر بە دۆڵەو باڵەیانی پیکیۆ و دماو یەک ڕۆی جە واستەیشۆ جە مەنتێقەو شێخ ئایشێوە پێ ئاڵوەتانی جە ڕۆ ٣١-٨-١٩٨٨ شەهید بۆ .

ئازاد هەورامی

بۆ یادی شەهیدی سەرکردە ئازاد هەورامی

gk مەكتەبی سیاسی سەروەرییەكانی شەهید ئازاد هەورامی بەزیندویی دەمێنێتەوە. -  YouTube

Z