سەرسەبای ئارۆی جە کوردستان و تورکیا جە بەردەوامی قڕکەردەی سیاسییەنە، ئۆپەراسیۆن جە ٧ شارێنە ئەنجام دریا و جە ئاکامشەنە ٨٢ دەستگیرێ کریێنێ.
:
ڕژێمە دژە کورد و کودەتاکارەکەو ئەردۆغانی بە بەهانێ جیێ جیێ و نایاسایێ و دژەئازادیێ بەردەوامەن جە هەڵمەتو قڕکەردەی سیاسیی و دەستگیر و زیندانیکەردەی سیاسەتمەدرێ و ئازادیوازێ کوردستانیو تورکیای.
جە ئی چوارچێوەنە، سەرسەبای ئارۆی، هێزە ئەمنیێ و تایبەتەکێ ڕژێمو ئەردۆغانی جە ٧ شارێ سەرنیشتو کوردستای و تورکیایەنە ئۆپەڕاسیۆنشان دەست پنەکەردەن و هۆرشانکوان سەرو ژمارێو جە یانا.
زانیان، جە ئۆپەراسیۆنەکەنە چەنڎین ئەندامێ دەستەو ناوەندی (هەدەپە)ی، ئایهان بیلگەن هامسەرۆکو شارەوانی قارسی، عەلی ئورکوت ئەندامو هەدەپە-ی، نازمی گیور ئەندامو پەیوەندییەکانو بەرو هەدەپە-ی، جان مەمیس ئەندامی ڕاوەبەری هەدەپە-ی، سری سوریا ئۆندەر پەرلەمانتاری وەرینو هەدەپە-ی جە ئەنقەرە و ئەندام جە وەفدو ئیمراڵی و چەنڎین کەسێ تەرێ دەستگیرێ کریێنێ کە سەرجەمشان ژمارەشان ٨٢ کەسێنێ.
ئۆپەراسیۆنەکە کە بە فەرمانو یوکسەل کۆجامان داواکارو گردیی تورکیا ئەنجام دریان و بەهانێ ئەنجامداکەیش و دەستگیرکەردەی سیاسەتمەدارەکانش گێڵنانەوە پەی بەشداریشان جە چالاکیەکێ ٥ پەی ٨و تشرینو یەکەمو ساڵەو ٢٠١٤ی کە پەی پەشتیوانی جە کۆبانێی ئەنجامێ دریێ بێنێ.
